Fréttir

Um fimmtungur allra ökutækja voru ekki með afturljós í lagi í könnun sem tryggingafélagið VÍS gerði á dögunum á ljósabúnaði bíla. Könnunin sýndi svo ekki verður um villst að ökumenn verða að huga betur að því hvernig ljósabúnaði ökutækis þeirra er háttað.

Aðhald samtaka á borð við FÍB og fjölmiðla er forsenda þess að olíuverð taki breytingum. Óvenju lítil samkeppni sé á olíumarkaði á Íslandi og þegjandi samráð sé nú ríkjandi. Þetta var meðal þess sem kom fram í viðtali við Runólf Ólafsson, framkvæmdastjóra FÍB, í Morgunútvarpi á Rás 2 í morgun.

Heimsmarkaðsverð á olíu hefur verið að lækka nokkuð síðustu vikurnar. Engu að síður hefur þessi lækkun ekki verið að skila sér til fulls íslenskum neytendum til handa Í dag lækkaði bensínlítrinn um þrjár krónur hér á landi.

Starfsmenn Spalar hafa nú greitt viðskiptavinum félagsins liðlega helming þeirra fjármuna sem þeir áttu á áskriftarreikningum sínum (andvirði ónotaðra ferða á veglykli) þegar ríkið tók við rekstri Hvalfjarðarganga 1. október sl. eða um 120 milljónir króna af alls 231 milljón króna, sem var staðan í lok september. Þetta kemur fram í tilkynningu frá Speli.

Viðræðuhópur um samgöngur á höfuðborgarsvæðinu hefur skilað niðurstöðum sínum til ráðherra samgöngu- og sveitarstjórnarmála og Samtaka sveitarfélaga á höfuðborgarsvæðinu. Markmiðið með starfi hópsins var að leggja grunn að samkomulagi um fjármagnaða áætlun um fjárfestingar í stofnvegum og kerfi almenningssamgangna á höfuðborgarsvæðinu eins og fram kemur á vef samgönguráðuneytisins.

Fyrsti rafknúni jepplingurinn er kominn á Evrópumarkað. Um er að ræða borgarsportjeppann Hyundai Kona sem kynntur var hér á landi um síðustu helgi. Kona er fyrsti jepplingurinn sem er í 100% rafdrifinni útgáfu. Kona Electric er með 204 hestafla rafmótor við 64 kWh rafhlöðu sem dregur allt að 482 km samkvæmt mælistaðlinum WLTP og er hægt að hlaða rafhlöðuna í 80% á innan við klukkustund.

Samkvæmt könnun sem unnin var af Euro NCAP telja 70% ökumanna að nú þegar sé hægt að kaupa og aka sjálfakandi bíl. Euro NCAP er sameign bifreiðaeigendafélaganna í Evrópu og áreksturs prófar nýja bíla og metur öryggi þeirra á hlutlægan hátt. Könnunin var gerð til að bera saman mat Euro NCAP á þróun sjálfakandi bíla sem samtökin unnu annars vegar að og hins vegar hvað almenningur heldur um þessa bíla.

Fórnarlamba umferðarslysa á Íslandi var minnst á alþjóðlegum minningardegi við bráðamóttöku Landspítalans í Fossvogi í gær. Þetta var í sjöunda sinn sem minningardagurinn er haldinn hér á landi en hliðstæð athöfn fór fram víða um heim. Sameinuðu þjóðirnar hafa tileinkað þriðja sunnudag í nóvember þessari minningu.

Carlos Ghosn, stjórnaformaður japanska bílaframleiðandans Nissan, var handtekinn í dag í Tokyo í kjölfar fjármálamisferlis. Ghosn hefur legið undir grun í marga mánuði að hafa ekki talið fram til skatts og skotið undan milljörðum króna. Í dag dró til tíðinda þegar dómstóll í Japan fyrirskipaði handtöku hans. Ljóst er að dagar hans hjá Nissan eru taldir.

Heildarfjöldi nýskráðra fólksbíla á þessu ári frá janúar til loka október eru 16.772. Er það um 13,4% fækkun ef borið er saman árið 2017 frá janúar til október og sama tímabil á þessu ári. Ef árið 2018 er borið saman við árið 2016 þá er salan nánast á pari við það ár eða 0,4% samdráttur.