Eldri fréttir

Runólfur Ólafsson, framkvæmdastjóri Félags íslenskra bifreiðaeigenda, FÍB, segir kílómetragjald sanngjörnustu og skynsamlegustu leiðina til að innheimta gjald af bílum og umferð til lengdar. Hann bendir á að eigendum farartækja fjölgi sem ekki greiða fyrir notkun vegakerfisins með sama hætti og á við um bensín- og dísilbíla. Þetta kemur fram í innsendri grein Runólfs Ólfssonar í Fréttablaðinu í dag sem lesa má í heild sinni hér fyrir neðan.

FÍB hefur ítrekað gagnrýnt óeðlilega hátt bensín- og dísilolíuverð hér á landi. Hráolíuverð á mörkuðum hefur lækkað um næstum 30% á tveimur mánuðum. Á sama tíma hefur bensínverð á Íslandi farið niður um 4,2% og dísilverð um 4,7%. Til samanburðar hefur bensín í Danmörku lækkað um 18,4% og dísilolía um 16,8%. Bensínverð á Íslandi og í Danmörku var svipað í báðum löndum snemma í júní. Núna er verðmunurinn á milli landanna yfir 55 krónur á hvern lítra af bensíni.

Umhverfis-, orku- og loftslagsráðuneytið hefur falið Íslenskri Nýorku að gera netkönnun á stöðu hleðslustöðva fyrir rafbíla og notkun þeirra á meðal rafbílaeigenda í sumar. Verkefnið er unnið fyrir starfshóp ráðuneyta um orkuskipti í samstarfi við Orkusetur og munu niðurstöður verða birtar í nóvember.

Það sem af er árinu eru nýskráningar fólksbifreiða orðnar 11.065. Á sama tíma í fyrra voru þær 7.986 og nemur aukningin því um 38,6%. Nýskráningar til bílaleiga eru 54,6% og til almennra notkunar 44,6% af því er fram kemur í tölum frá Bílgreinasambandinu.

Heimsmarkaðsverð á Brent hráolíu hefur lækkað um rúmlega 20% frá því í byrjun júní. Á sama tíma hefur bensínverð hér innanlands lækkað lítið. Í umfjöllun í Viðskiptablaðinu segir Runólfur Ólafsson, framkvæmdastjóri Félags íslenskra bifreiðaeigenda, FÍB, að fylgni bensínsverðs við heimsmarkaðsverð ekki í samræmi við það sem sést í nágrannalöndunum. Bensínítrinn fór hæst upp í 350 krónur í júní og hefur nú lækkað niður í kringum 336 krónur á lítrann.

Umferðin í júlí um lykilteljara Vegagerðarinnar á Hringveginum reyndist um prósenti minni en í sama mánuði í fyrra. Samt er þetta annar umferðarmesti júlí frá því mælingar af þessu tagi hófust. Reikna má með að umferðin í ár verði ríflega 1,5 prósenti meiri en árið 2021 að því er fram kemur í tölum frá Vegagerðinni.

Meirihluti landsmanna er á móti fyrirhugaðri gjaldtöku í öllum jarðgöngum á Íslandi samkvæmt nýrri könnun Maskínu. Samkvæmt könnun Maskínu eru 55 prósent landsmanna andvíg gjaldtöku, en ríflega 20 prósent hlynnt henni. Svipað margir segjast í meðalagi hlynntir eða andvígir. Könnunin fór fram dagana 20. til 25. júlí og voru svarendur 1.069 talsins.

Bílaframleiðendur eru farnir að merkja minni eftirspurn í Evrópu og Norður-Ameríku. Sérfræðingar segja vaxandi vísbendingu um að neytendur séu hikandi í kaupum vegna hækkandi verðs og aukinnar verðbólgu.

Verð á bensíni og dísilolíu lækkaði verulega á þriðjudagsmorgun í Svíþjóð. Bensínlítrinn þar í landi kostar 19,98 sænskar krónur eftir lækkunina. Þetta var í fyrsta skipti eftir innrás Rússa í Úkraínu sem verðið fer undir 20 krónur sænskar sem samsvarar um 280 íslenskar krónur. Verðið á dísilolíu er nú 24,71 sænskar krónur lítrinn en hann kostaði yfir 27 krónur um miðjan júní.

Í framhaldi af frétt á FÍB vefnum í síðustu viku um okur álagningu á eldsneyti hér á landi hefur eldsneytisverð lækkað bæði hér á landi og í Danmörku. Mun fákeppni með olíu á Íslandi verða hvati til stjórnvalda um opinbert verðlagseftirlit á viðskipti með þessa nauðsynjavöru þar sem olíufélögin virðast ekki kunna sér hóf?