Sparaksturskeppni FÍB og Atlantsolíu verður haldin föstudaginn 26. ágúst 2016 kl. 9
Leiðin sem ekin verður tekur u.þ.b. 5 klst. - ekið verður frá bensínstöð Atlantsolíu Bíldshöfða og til bensínstöðvar Atlantsolíu Glerártorgi Akureyri(381,6 km) með 30 mínútna stoppi á Gauksmýri(188,8 km). Keppnisbílum verður raðað í flokka eftir vélarstærð. Ökumaður þess bíls sem minnst eldsneyti notar, að teknu tilliti til refsistiga, í hverjum flokki um sig hlýtur verðlaun en aðalverðlaunin verða veitt þeim ökumanni sem minnstu eldsneyti eyðir í keppninni, að teknu tilliti til refsistiga.
Dagskrá á keppnisdag:
9.00: Ræsing hefst með 2ja mínútna millibili.
14.10: Akureyri - fyrstu bílar koma í mark.
15.10: Síðustu bílar koma í mark.
16.20: Úrslit liggja fyrir - verðlaun afhend fyrir 1. sætið.
Renault Clio sigurvegari í Sparaksturskeppni FÍB og Atlantsolíu 2016
Eldsneytiskostnaður bílsins sem sigraði í sparaksturskeppni FÍB og Atlantsolíu sl föstudag reyndist einungis 2.740 krónur á rúmlega 380 km langri keppisleiðinni Reykjavík-Akureyri. Bíllinn er Renault Clio fólksbíll með 1,5 l dísilvél. Hann er fimm manna fólksbíll og eyddi sem svarar 4,02 lítrum á hundraðið. Ökumaður hans var Sigurður Stefánsson og er hann því nýkrýndur Íslandsmeistari í sparakstri.
Árgjaldið í FÍB er aðeins kr. 8.790. Skrifstofa FÍB sendir þér félagsgögn, þegar greiðsla hefur borist og þú getur byrjað að notfæra þér margvíslega þjónustu félagsins.