Fréttir

Kínverski rafbílaframleiðandinn BYD tilkynnti í vikunni að hann hefði safnað 5,59 milljörðum Bandaríkjadala í frumútboði hlutafjár, sem var aukið að stærð og er stærsta útboð síðustu fjögurra ára í Hong Kong.

Bílasala fer víðast hvar vel af stað á þessu ári í Evrópu. Nýskráningar fólksbifreiða hér á landi eru líka mun fleiri en á sama tíma á síðasta ári. Í Svíþjóð svo dæmi sé tekið er fjölgun nýskráninga á fólksbílum, þróun sem virðist ætla að halda áfram.

Runólfur Ólafsson, framkvæmdastjóri FÍB, gagnrýnir að enn sé stefnt að því að innheimta sama kílómetragjald af öllum bílum undir þremur og hálfu tonni. Frumvarpi fjármálaráðherra um kílómetragjald á ökutæki var dreift á Alþingi um helgina.

Þessi heita kartafla er svokölluð „flýti- og umferðargjöld“ sem byrja átti að innheimta á höfuðborgarsvæðinu í janúar 2023. Rukka átti bíleigendur fyrir akstur milli sveitarfélaga og borgarhluta á tilteknum tímum dags og nota tekjurnar til að fjármagna stórtækar samgönguframkvæmdir samgöngusáttmálans.

Umsnúningur hefur orðið í nýskráningum fólksbifreiða það sem af er árinu. Nýskráningar voru alls 1.047 bifreiðar á fyrstu sjö vikum ársins en voru 674 á sama tíma á síðasta ári. Aukningin nemur 55,3% en bílasala í febrúar hefur verið sérlega góð. Nýskráningar til almennra notkunar er um 65,8% og til ökutækjaleiga rúmlega 33%. Þetta kemur fram í tölum frá Bílgreinasambandinu.

Japanski bílaframleiðandinn Toyota lofar nú ódýrari vetnisröfölum sem hafa sama endingartíma og dísilvélar. Verð og eyðsla er lægri en áður. Toyota ætlar að halda áfram að fjárfesta í vetni. Þriðju kynslóðar vetnisrafalar eiga að verða hagkvæmari með lægri framleiðslukostnaði, 20% minni eldsneytiseyðslu og tvöföldum líftíma, sambærilegum við dísilvél.

Brot 494 ökumanna voru mynduð á Miklubraut í Reykjavík frá föstudeginum 21. febrúar til mánudagsins 24. febrúar. Fylgst var með ökutækjum sem var ekið Miklubraut í vesturátt, á gatnamótum við Grensásveg.

Hættuástand skapaðist á vegum á Vesturlandi og Vestfjörðum í þessari viku vegna blæðinga í klæðningu. Þungatakmarkanir voru settar á vissa staði, sem komu í veg fyrir að flutningabílar kæmust ekki leiðar sinnar. Fram kom í umfjöllun Kastljóss á RÚV að Vegagerðin þyrfti 20 milljarða króna í grunnfjárveitingar á ári en fái aftur á móti aðeins 12-13 milljarða.

ílómetragjald verður tekið upp innan skamms og er hugmyndin að það taki gildi um mitt þetta ár. Það sé í raun óumflýjanlegt og fyrirkomulagið verður kynnt á næstunni að sögn Daða Más Kristóferssonar, fjármála- og efnahagsmálaráðherra. Ol­íu­gjald verður fellt niður og kíló­metra­gjald kem­ur í staðinn. Sam­bæri­leg áform voru uppi hjá fyrri rík­is­stjórn en ekki tókst að klára það mál fyr­ir kosn­ing­ar.

Í könnun sem Gallup gerði fyrir Samgöngustofu í lok síðasta árs kom í ljós að 20% þeirra svarenda sem höfðu ekið á undanförnum 6 mánuðum höfðu verið nálægt því að sofna undir stýri.