Fréttir

Runólfur Ólafsson, framkvæmdastjóri Félags íslenskra bifreiðaeigenda, segir næstu skref eftir niðurstöðu Neytendastofu um slæma viðskiptahætti fjögurra bílastæðafyrirtækja vera að tryggja að fyrirtækin fylgi henni. Neytendastofa hafi ekki lokið sínu verkefni og víða sé pottur brotinn. Þetta kemur fram í viðtali við Runólf í Morgunblaðinu í dag.

Bíladagar hefjast í dag ,fimmtudaginn 12. júní, og standa yfir til 17. júní þegar þeim lýkur með bílasýningu Bílaklúbbs Akureyrar í Boganum. Dagskráin er með hefðbundnum hætti þar sem keppt verður í ýmsum greinum, boðið upp á bílasýningar og fleira fyrir áhugafólk um bíla og akstursíþróttir. Helgin er ein af þeim stærri á árinu hjá lögreglunni á Akureyri.

Umferðin á höfuðborgarsvæðinu í maí jókst um 2,4 prósent og nú er útlit fyrir að umferðin um lykilmælisniðin þrjú aukist um 3,5 prósent í ár. Þannig að þrátt fyrir samdrátt í apríl og óbreytta umferð í ferbrúar er nú útlit fyrir áframhaldandi stöðuga aukningu umferðar, rétt eins og á Hringveginum. Þetta kemur fram í tölum frá Vegagerðinni.

BL kynnti á dögunum svakalegan og glæsilegan tengiltvinn sportbíl, sem kallast BMW M5 G90. M5 hefur verið flaggskip M deildar þýska lúxusbílaframleiðandans síðan á níunda áratugnum.

Næstum allir nýir fólksbílar sem seldir eru í Noregi í dag eru rafknúnir. Samt eru enn aðeins um 30 prósent af fólksbílaflotanum rafknúin. Flestir aka því enn um á bíl með dísil- eða bensínvél, eða einhvers konar tvinnbíl.

Neytendastofa hefur haft til skoðunar upplýsingagjöf og viðskiptahætti fyrirtækja sem sinna bílastæðaþjónustu í tengslum við gjaldskyld bílastæði. Stofnunin hefur nú lokið ákvörðun gagnvart fjórum fyrirtækjum þar sem upplýsingagjöf og viðskiptahættir eru ekki í samræmi við lög.

Hagfræðingur Samtaka fjármálafyrirtækja (SFF) hélt því fram í viðtali við Morgunblaðið 14. maí síðastliðinn að vægi ökutækjatrygginganna hér á landi væri það minnsta í samræmdri vísitölu neysluverðs á Norðurlöndunum. Ekki fylgdi sögunni hvað þau ummæli áttu að segja lesendum.

Árið 2024 voru heildar iðgjaldatekjur af skaðatryggingum 91 milljarður króna og rekstrarkostnaður rúmlega 17 milljarðar. Hlutfall kostnaðar af tekjum var um 19%. Fyrir 9 árum, 2016, var þetta kostnaðarhlutfall svipað, eða 21%.

„Afkoma af tryggingum lökust á Íslandi.“ Þetta var fyrirsögn viðtals í Morgunblaðinu 14. maí við hagfræðing Samtaka fjármálafyrirtækja. Þar sagði hann að afkoma tryggingafélaga af vátryggingastarfseminni hafi verið neikvæð á sjö ára tímabili 2017-2023.

Umferðin um lykilmælisnið Vegagerðarinnar á Hringveginum í nýliðnum maí jókst um tæp þrjú prósent frá því fyrir ári síðan. Aldrei hefur mælst meiri umferð í þessum mánuði frá upphafi mælinga. Útlit er nú fyrir að umferðin á Hringvegi muni aukast um fimm prósent í ár, sem telst mikil aukning.