Fréttir

Lyklalaust aðgengi notað við innbrot í bíla

Að undanförnu og raunar allt þetta ár hefur töluvert verið um innbrot í bíla og hefur lögreglan varað eigendur og umráðamenn ökutækja við því að skilja eftir verðmæti í bílunum. Sé það óumflýjanlegt er mikilvægt að verðmæti séu ekki í augsýn.

Grjótveggir valda áhyggjum

Runólfur Ólafsson, framkvæmdastjóri Félags íslenskra bifreiðaeigenda, FÍB, segir að ítrekað hafi verið bent á hættuna af girðingum sem hafa verið notaðar víðsvegar um Reykjavík á milli akreina til að hindra gangandi vegfarendur í að fara yfir stórar umferðargötur. Þetta er meðal þess sem kemur fram í umfjöllun um þetta mál í Morgunblaðinu í dag.

Yfir 13 þúsund pantanir hafa borist í nýja jepplinginn frá Volvo

Volvo bílaverksmiðjurnar hafa ráðist í raðsmíði á nýjum jeppling og er áætlað að fyrstu bílarnir komi á markað fyrir næsta vor. Smíði þessa bíls fer fram í verksmiðju fyrirtækisins í borginni Gent í Belgíu og hafa þegar borist yfir 13 þúsund pantanir í bílinn.

Athugasemdir við hlaðinn varnarvegg til móts við Miklatún

Eins og komið hefur fram hefur Vegagerðin ákveðið að fjarlægja ákveðna tegund girðinga meðfram umferðargötum á höfuðborgarsvæðinu eftir banaslys á Miklubraut sl. laugardag. Í slysinu kastaðist maður út úr bíl og hafnaði á girðingu sömu gerðar og Vegagerðin ætlar að fjarlægja.

Fjarlægja girðingar eftir banaslys

Í kjölfar banaslyss á Miklubraut sl. laugardag hefur Vegagerðin ákveðið að fjarlægja allar grófar járngirðingar meðfram götum. Í banaslysinu kastaðist maður út úr bíl og hafnaði á járngirðingu en hann missti stjórn á bifreið sinni sem fór við það utan í vegrið.

Ályktun frá landsþingi FÍB

Samgöngumál er ein af grunnstoðum samfélagsins. Í ár er gert ráð fyrir að rösklega 70 milljarðar króna renni í ríkissjóð úr vasa bíleigenda. Á sama tíma á aðeins að verja um 30% af þessum skatttekjum til viðhalds og nýbyggingar vega.

BL ehf . innkallar Nissan

Neytendastofu hefur borist tilkynning frá BL ehf ehf um innköllun á Nissan bifreiðum sem framleiddar voru á árabilinu 2001 - 2013.

Öryggi barna í bílum 2017

Nú liggja fyrir niðurstöður könnunar sem starfsfólk Samgöngustofu og félagar í Slysavarnadeildum Slysavarnafélagsins Landsbjargar gerðu á öryggi barna í bílum núna í vor. Könnunin var gerð við 56 leikskóla í 29 þéttbýliskjörnum víða um land og var búnaður hjá 2.060 börnum kannaður. Sambærilegar kannanir hafa verið gerðar undanfarin 32 ár.

Ný ríkisstjórn og eldsneytisskattar

Í aðdraganda síðustu alþingiskosninga 28. október 2017 lagði FÍB blaðið spurningar um samgöngumál og skatta á bíla og umferð fyrir þá stjórnmálaflokka sem buðu fram í öllum kjördæmum landsins. Þessa dagana standa yfir stjórnarmyndunarviðræður Vinstri grænna, Sjálfstæðisflokks og Framsóknarflokks. Það er því ekki úr vegi að rifja upp svör umræddra þriggja flokka við tveimur ákveðnum spurningum um auknar álögur á bílaeldsneyti sem birtust í 2. tbl. FÍB blaðsins 2017.

Ný hraðhleðsla í Borgarnesi

Búið er bæta við hraðhleðslu í Borgarnesi og þannig fjölgað hleðslumöguleikum rafbílaeiganda á þessum fjölfarna stað. Nýja hraðhleðslan er við þjóðveginn á planinu hjá N1.