Fréttir

Bílabúð Benna setur upp öflugustu bílahleðslustöð landsins

Bílabúð Benna hefur sett upp öflugustu bílahleðslustöð landsins við gatnamót Suðurlandsvegar og Vesturlandsvegar að Krókhálsi 9. Þórdís Kolbrún Reykfjörð Gylfadóttir, iðnaðar og nýsköpunarráðherra, vígði helðslustöðina fyrir helgina.

Bílasala í Japan dregst saman um þriðjung

Bílasala í Japan dróst saman um 31,3% í októbermánuði. Síðustu mánuði hefur bílasala í landinu dregist verulega saman og er það meira um minna rakið til heimsfaraldursins. Aukin framleiðsluskerðing veldur auk þess að mikill skortur er á bílum og afhendingartíminn hefur lengst um marga mánuði.

Við sjáum ekki svona verðmun í nágrannalöndunum

Eldsneytisverð hefur ekki verið eins hátt hér á landi síðan 2012. Heimsmarkaðsverð hefur hækkað hratt síðustu misseri og hafa íslenskir neytendur ekki farið varhluta að því. Um þessar mundir kostar bensínlítrinn á flestum bensínstöðvum rúmar 270 krónur. Á bensínstöðvum í nálægð við Costco í Garðabæ er verðið aftur á móti í kringum 230 krónur. Þess má geta að í maí í fyrra kostaði bensínlítrinn 194 krónur.

Dregur aðeins úr nýskráningum

Dregið hefur úr nýskráningum fólksbifreiða en það sem af er októbermánuði eru þær 568 þegar ein vika er eftir af mánuðinum. Í september voru þær alls 1168. Vera kann að skortur á íhlutum til bílaframleiðslu sé eins af ástæðunum en það sem af er á árinu eru nýskráningar 10.348 en á sama tíma í fyrra voru þær 7.845. Aukningin nemur tæpum 32%. Þetta kemur fram í tölum frá Bílgreinasambandinu.

Hleðslustöðvum Tesla fjölgar jafnt og þétt í Evrópu

Bílaframleiðandinn Tesla heldur áfram að fjölgja hleðslustöðvum sínum í Evrópu. Í vikunni sagði talsmaður fyrirtækisins að búið væri að koma yfir 700 hleðslustöðvum. Hver stöð hefur að meðaltali meira en tíu hleðslustaði. Þess má geta að í Svíþjóð eru nú 51 stöð með samtals 590 hleðslutæki.

Stjórnvöld ættu að grípa í taumana vegna hækkandi eldsneytisverðs

Það hefur ekki farið framhjá bíleigendum að verð á eldsneyti hefur hækkað mikið á síðustu vikum á heimsmarkaði. Það er mat Runólfs Ólafssonar, framkvæmdastjóra Félags íslenskra bifreiðaeigenda, FÍB, og Drífu Snædal, forseta ASÍ, að stjórnvöld ættu að grípa í taumana vegna hækkandi eldsneytisverðs.

Hraðaljósmyndavélar teknar í notkun við Hörgárbraut á Akureyri

Tvær hraða- og rauðljósamyndavélar hafa verið teknar í notkun við Hörgárbraut á Akureyri. Myndavélarnar eru staðsettar við ljósastýrða gönguþverun við Stórholt. Uppsetning og rekstur myndavélanna er samstarfsverkefni Lögreglunnar á Norðurlandi eystra, Akureyrarbæjar og Vegagerðarinnar. Markmiðið er að draga úr ökuhraða og fækka brotum vegna aksturs gegn rauðu ljósi á þjóðveginum.

Skortur á íhlutum hjá Skoda kemur hart niður á tékkneskum efnahag

Bílaframleiðendur víða um heim glíma við mikinn skort á flögum og öðrum íhlutum til framleiðslunnar. Þetta ástand hefur leitt til þess að framleiðendur hafa þurft að takamarka framleiðsluna og fyrir vikið verður seinkun á afhendingu á bílum til nýrra kaupenda. Dæmi eru um nokkurra mánaða seinkun og er áhrifa farin að gæta meðal annars hér á landi.

Verðlagning á bensíni stefnir í methæðir

,,Verlagning á bensíni stefnir í methæðir en aðrar eins upphæðir hafa ekki sést á landinu í áratug. Við erum að skríða inn í tímabil sem er að nálgast þessi metár 2011 og 2012. Þetta eru miklar hækkanir sem að koma illa við neytendur. Því miður höfum við sem eyja út í Norður-Atlantshafi kannski lítil áhrif því hérna erum við að sjá sömu þróun og um alla veröld,“ sagði Runólfur Ólafsson, framkvæmdastjóri Félags íslenskra bifreiðaeigenda meðal annars í samtali við mbl.is.

Nýskráningar fólksbifreiða yfir tíu þúsund

Nýskráningar nýrra fólksbifreiða eru komnar yfir tíu þúsund það sem af er þessu ári. Þær eru alls orðnar 10.004 en voru á sama tímabili í fyrra 7.325 þannig að aukningin nemur um 36,6%. Að því fram kemur í tölum frá Bílgreinasambandinu.