Fréttir

Rafbílasala í miklum vexti víða um heim

Góð rafbílasala á flestum mörkuðum í ár. Einn af fimm nýjum bílum í Evrópu í júní var raftengjanlegur og þar af var helmingurinn hreinir rafbílar.Tesla Model 3 er vinsælasti rafbíllinn.

Börn og ungmenni eru virkir þátttakendur í samgöngum

Samgöngu- og sveitarstjórnarráðuneytið hefur gefið út skýrslu um stöðu barna og ungmenna í samgöngum. Í gildandi samgönguáætlun fyrir tímabilið 2020-2034 er lögð áhersla á að taka betur mið af þörfum barna og ungmenna við stefnumörkun og uppbyggingu í samgöngum. Skýrslan er unnin í samvinnu við Vegagerðina, Samgöngustofu og Samband íslenskra sveitarfélaga. Í henni eru sett fram þrjú lykilviðfangsefni um aukið samráð, fræðslu og öryggisaðgerðir.

Hættulegt og refsivert að skilja dýr eftir í heitum bílum

Nokkuð hefur borið á því í Svíþjóð í sumar að hundaeigendur skilji hunda sína eftir eina í bílum sínum þegar heitt er í veðri. Að skilja hund eða kött eftir í bíl á heitum degi er hættulegt fyrir dýrið - jafnvel þó það sé aðeins skilið eftir þar í stuttan tíma. Það er brot á lögum um dýraníð og getur varðað fangelsi. Þrátt fyrir þetta hefur sænsku lögreglunni undanfarnar vikur borist tilkynningar frá vegfarendum sem hafa séð hunda lokaða í bílum að því fram kemur hjá sænsku fréttastofunni TT.

Umferðin eykst mikið en er samt minni en fyrir tveimur árum

Umferðin á Hringveginum í júní jókst um rúm sex prósent frá því í sama mánuði í fyrra að því fram kemur í tölum frá Vegagerðinni. Umferðin er eigi að síður ríflega þremur prósentum minni en hún var árið 2019 í þeim sama mánuði. Útilit er fyrir að umferðin í ár aukist um átt til níu prósent sem myndi samt ekki duga til að jafna umferðina árið 2019.

Suzuki innkallar 329 Jimny jeppa

Neytendastofu hefur borist tilkynning frá Suzuki bílum hf. um að innkalla þurfi 329 Suzuki Jimny bifreiðar af árgerð 2018-2020. Ástæða innköllunarinnar er mögulegur hönnunargalli í raflögnum í hurðum að framan.

52 þúsund ökutæki fara um Reykjanesbraut á sólarhring árið 2044

Samkvæmt spá verkfræðistofunnar Mannvits þá munu um 52.000 ökutæki fara um Reykjanesbraut á sólarhring árið 2044. Þetta þýðir um 165% aukningu frá því sem nú er. Aðalástæðan fyrir þessari aukningu er aukinn fjöldi ferðamanna og flugumferðar um Keflavíkurflugvöll.

Nýskráningar 40% fleiri en á sama tíma í fyrra

Nýskráðar nýjar fólksbifreiðar eru það sem af er árinu orðnar 6.603. Það er aukning um rúm 40% þegar sölutölur yfir sama tímabil á síðasta ári eru skoðaðar. Nýskráningum til almennra notkunar nema tæplega 60% og til bílaleiga 40% af því fram kemur í tölum frá Bílgreinasambandinu.

Evrópusambandið sektar Volkswagen og BMW

Þýsku bílaframleiðendurnir BMW og Volkswagen hefur verið gert að greiða um 875 milljónir evra fyrir samráð fyrirtækjanna um þróun á mengunarbúnaði í dísilbílum. Samkeppniseftirlit Evrópusambandsins komst að þessari niðurstöðu í gær. Þetta er í fyrsta skipti sem framkvæmdastjórn sambandsins beitir samkeppnislögum ESB á viðræður keppinauta um tæknilegt samráð.

Stefnt er að því að framkvæmdir við Sundabraut hefjist árið 2026

Sigurður Ingi Jóhannsson samgöngu- og sveitarstjórnarráðherra og Dagur B. Eggertsson borgarstjóri í Reykjavík undirrituðu í gær yfirlýsingu um lagningu Sundabrautar. Stefnt er að því að framkvæmdir við Sundabraut hefjist árið 2026 og að brautin verði tekin í notkun árið 2031. Ríki og borg sammælast um það í yfirlýsingunni að Sundabraut verði lögð alla leið í Kjalarnes í einni samfelldri framkvæmd og að alþjóðleg hönnunarsamkeppni verði haldin um útlit Sundabrúar, verði hún fyrir valinu.

Full­gerður Arnarnesvegur mun hafa já­kvæð áhrif á flæði um­ferðar

Fyr­ir­hugaðar stofn­vega­fram­kvæmd­ir sam­göngusátt­mál­ans á höfuðborg­ar­svæðinu á næstu árum voru til umræðu á kynn­ing­ar­fundi Betri sam­gangna og Vega­gerðar­inn­ar sem haldinn var í morgun.