Aukin hætta á holumyndun

Í tilkynningu frá Vegagerðinni kemur að nú sé sá árstími og það tíðarfar sem eykur hættuna á holumyndunum á þjóðvegum. Þegar þíða kemur í kjölfar frosts og kulda eða þegar miklir umhleypingar eru eykst hættan á því að holur myndist í bundnu slitlagi, malbiki og klæðingu. Vegfarendur er því beðnir að sýna sérstaka árvekni og aka ætíð eftir aðstæðum.

Það getur tekið skamman tíma fyrir holu að myndast, jafnvel djúpa holu sem getur leitt til tjóns. Starfsmenn þjónustustöðvanna fylgjast með eins og kostur er og bregðast við ábendingum um holur. Vegagerðin leitast við að bregðast við með viðgerð sem allra fyrst.

Félagsmenn í FÍB hafa sett sig í samband við skrifstofu félagsins sem segja nú þegar hafa orðið varir við holumyndanir. Þetta eigi bæði við hér á höfuðborgarsvæðinu og víðar um land. Vegfarendur er því beðnir að sýna sérstaka árvekni og aka ætíð eftir aðstæðum. Það getur tekið skamman tíma fyrir holu að myndast, jafnvel djúpa holu sem getur leitt til tjóns. Þess má geta að FÍB vinnur að uppsetningu á vefsíðu sem fer í loftið á næstunni þar sem vegfarendur geta komið ábendingum um holur á framfæri.

Ábendingum um holur í Reykjavík er hægt að koma inn á abendingar@reykjavik.is. Í öllu falli er brugðist skjótt og vel við öllum ábendingum þegar að þær berast. Vegagerðin tekur einnig við ábendingum vegfarenda um holur og best er að hringja í síma 1777 meðan þar er opið frá kl. 06:30 á morgnana til 22:00 á kvöldin alla daga á tímabilinu 1. október til 1. maí en einnig má senda upplýsingar á netfangið vegagerdin@vegagerdin.is.

Þá kemur fram hjá Vegagerðinni að lendi vegfarandi í tjóni er rétt að fylla út tjónstilkynningu en hana má finna á vef Vegagerðarinnar . Það er mikilvægt að sýna árvekni og vera vakandi fyrir því í umferðinni að holur geta myndast mjög hratt, þannig að þótt ekið sé á vegi sem var í góðu lagi í gær, getur verið komin hola í morgunsárið.