BL ehf. innkallar Renault Traffic III

Neytendastofu hefur borist tilkynning frá BL ehf. um að innkalla þurfi 25 Renault Traffic III bifreiðar af árgerð 2018. Ástæða innköllunarinnar er að möguleiki er á að handbremsa virki ekki sem skildi.

Viðgerð felst í að skipt verður um handbremsubarka í umræddum bílum. Viðkomandi bifreiðaeigendum verður tilkynnt um innköllunina bréfleiðis.

Neytendastofa hvetur bifreiðaeigendur til að fylgjast vel með hvort að verið sé að innkalla þeirra bifreiðar og hafa samband við umboðið ef þeir eru í vafa.