Nóbelsverðlaun fyrir litíumjónarafhlöður

Konunglega sænska vísindaakademían greindi frá því í Stokkhólmi í dag að þrír einstaklingar deildu með sér nóbelsverðlaununum í efnafræði. Um er að ræða Bandaríkjamanninn John Goodenough, Bretann Stanley Whittingham og Akira Yoshino frá Japan.

Verðlaunin hljóta þeir fyrir hönnun og þróun á litíumjónarafhlöðum. Í tilkynningu frá akademíunni kemur fram að þessar léttu rafhlöður, öflugu og endurhlaðanlegu knýja áfram í dag síma, fartölvur og rafbíla. Þær eru einnig þeim kostum gæddar að geta geymt sólar- og vindorku sem geri það kleift að skapa samfélag án jarðefnaeldsneytis.

Þess má geta að Good­enough er 97 ára gam­all og er elsti maður­inn sem hlotið hef­ur Nó­bels­verðlaun.