Beygjuljósin á gatnamótum Geirsgötu og Lækjargötu sæta gagngrýni

Töluverðar óánægju gætir á meðal ökumanna með stýringu beygjuljósa á gatnamótum Geirsgötu og Lækjargötu. Dæmi eru um að ökumenn á leið í vinnu og úr vinnu hafa lent þar í töluverðum umferðartöfum vegna knapps græns beygjuljóss á umræddum gatnamótum.

Seltirningar hafa m.a. lýst yfir óánægju sinni en margir úr bæjarfélaginu nýta sér þessa leið til vinnu og heim úr vinnu auk daglegra starfa. Samkvæmt frétt á mbl.is ætlar bæjarstjóri Seltjarnarness að óska eftir svörum frá borgarstjóranum um málið.

Haft er eftir forseta bæjarstjórnar Seltjarnarness, Magnúsi Erni Guðmundssyni, að þetta sé ólíðandi og óskað verði eftir svörum frá borgaryfirvöldum. Græna beygjuljósið varir í um sjö sekúndur samkvæmt mælingum og fyrir vikið myndast umferðarteppur á svæðinu

Sæ­braut­in eða Hring­braut­in eru einu kost­ir Seltirn­inga á leið heim. „En þetta hef­ur ekki bara áhrif á Seltirn­inga. Þetta er líka all­ur Vest­ur­bær­inn og innn­esið. Það var mikið kurr í okk­ur í vor þegar menn ætluðu að fara í að þrengja Hring­braut­ina en Vega­gerðin stoppaði það. Síðan er það þessi leið,“ seg­ir Magnús.

Fram­kvæmd­ir við Hafn­ar­torg hafa haft áhrif á um­ferð í þó nokk­urn tíma en Magnús seg­ir að sam­komu­lag hafi náðst um að hafa alltaf tvær ak­rein­ar í vesturátt. „Það var fyr­ir­séð að það myndi eitt­hvað hægja á en ég held að eng­an hafi órað fyr­ir að það er bein­lín­is verið að stöðva um­ferð með ljós­um.“

Magnús seg­ir að hægt sé að greiða úr um­ferðinni til dæm­is með því að sam­stilla ljós­in auk þess að lengja græna ljósið. „Þarna er um að ræða still­ingu ein­stakra ljósa. Ef að ein­hvern tím­ann á að vera lengri tími á ljós­um er það til að grípa um­ferðarflæði þegar fólk er á leið í og úr vinnu.“

Nánari umfjöllun um málið í á mbl.is má nálgast hér.