Öryggi smáfarartækja í umferðinni - veffundur

Samgöngu- og sveitarstjórnarráðuneytið og umferðaröryggisráð standa fyrir opnum veffundi þriðjudaginn 23. mars kl. 8:30-9:45 um fjölbreytta ferðamáta og öryggi léttra bifhjóla, rafhlaupahjóla og annarra smáfarartækja í umferðinni.

Það er stefna stjórnvalda að styðja við fjölbreytta ferðamáta, sérstaklega í þéttbýli til að draga úr losun gróðurhúsalofttegunda frá samgöngum. Á fjölbreyttri dagskrá fundarins verður sjónum einkum beint að örflæði (e. micromobility), þ.e. ýmsum smáfarartækjum í umferðinni, innviðum fyrir þau og öryggismálum sem þeim tengjast.

Fundurinn er öllum opinn en gestir eru beðnir um að skrá þátttöku á skráningarsíðu fundarins. Allir sem skrá sig fá hlekk á veffundinn.

Dagskrá:

  • Sigurður Ingi Jóhannsson, samgöngu- og sveitarstjórnarráðherra - opnunarávarp
  • Höskuldur Kröyer, ráðgjafi hjá Trafkon, Smáfarartæki og umferðaröryggi
  • Katrín Halldórsdóttir, verkfræðingur á Höfuðborgarsvæði Vegagerðarinnar, Innviðir fyrir smáfarartæki
  • Hjalti Már Björnsson, yfirlæknir á bráðamóttöku Landspítala
    Rafhlaupahjól, Slys og heilsufarslegur ávinningur
  • Guðbjörg Lilja Erlendsdóttir, deildarstjóri samgangna hjá Reykjavíkurborg, Rafhlaupahjólaleigur
  • Samgöngustofa
    Frumsýning á nýjum fræðslumyndum um rafhlaupahjól og létt bifhjól í flokki I.

Fundarstjóri er Ragnhildur Hjaltadóttir, ráðuneytisstjóri og formaður umferðaröryggisráðs.