Rafbílar seljast best í niðursveiflunni

Bílasala almennt hrundi um allan heim í kórónuveirufaraldrinum og ekki sér fyrir endanum. Algjört frost er sum staðar og dæmi eru um í nokkrum löndum að bílasala hafi farið niður um 90%.

Rafbílar seljast mun betur um þessar mundir og aukning í þeim er hátt í 20% í Evrópu og víðar. Bílasala er samt dræm ennþá og verður það áfram enda ástandið vegna Covid-19 alvarlegt og eftirspurnin lítil sem engin.

Íslenski bílamarkaðurinn er engin undantekning í þessum efnum en samdrátturinn er um 40%. Í Bandaríkjunum er útlitið ekki sérlega bjart og þar hafa bílaverksmiðjur verið lokaðar í margar vikur. Kórónuveirufaraldurinn þar hefur verið að færast í aukana í mörgum fylkjum og það er ekki til auka bjartsýnina þar í landi.

Bílamarkaðurinn hefur orðið fyrir miklum skaða, eftirspurnin er áfram lítil, og alveg ljóst að það mun taka langan tíma fyrir bílaiðnaðinn að rétta úr kútnum.