Toyota – konungur bílamerkjanna

Verðmætasta bílamerkið árið 2006 er Toyota. Markaðsvirði vörumerkis hins risavaxna japanska bílafyrirtækis er talið hafa á síðasta ári numið 30,2 milljörðum Bandaríkjadollara. BMW var í öðru sæti og er verðmæti þess merkis 23,8 milljarðar dollara og Mercedes Benz í því þriðja. Verðmæti þess er 17,8 milljarðar dollara. Það var markaðsrannsóknafyrirtæki að nafni Millward Brown sem gerði þetta mat og þýska tímaritið AutoBild greinir frá.

Á þessum lista eru þýsk bílamerki talsvert fyrirferðarmikil og meðal 20 efstu eru átta þýsk og er samanlagt verðmæti þeirra 72,9 milljarðar dollara. Þau eru auk Mercedes m.a. Porsche sem leggur sig á 12 milljarða, Volkswagen á 6,8 milljarða og Audi á 3,2 og Mini, sem er dótturmerki BMW. Listinn yfir 10 efstu er annars svona:

Merki              Eigandi                    Verðmæti (í milljörðum USD)

1 Toyota         Toyota Motor Corp             30.201
2 BMW           BMW AG                             23.820
3 Mercedes    DaimlerChrysler AG            17.801
4 Honda         Honda Motor Co Ltd           14.394
5 Ford            Ford Motor Co                    13.844
6 Chevrolet    General Motors Corp           12.458
7 Porsche      Dr. Ing. h.c.F. Porsche AG  12.025
8 Nissan        Nissan Motor Co Ltd            10.915
9 VW             Volkswagen AG                     6.793
10 Renault    Renault S.A.                           5.173