Umferð eykst á Hringvegi á milli mánaða

06.05.2025

Umferðin, yfir 16 lykilteljara Vegagerðarinnar, á Hringveginum jókst um 4,6% miðað við sama mánuð á síðasta ári. Þetta er viðsnúningur frá mars mánuði þs sem mældist 1,6% samdráttur yfir sömu mælisnið. Meðalumferðaraukning í apríl mánuði er um 3,4%, frá árinu 2005, svo núverandi aukning er 1,2 prósentustigum yfir meðaltali að því er fram kemur í tölum frá Vegagerðinni.

Mest jókst umferðin yfir mælisnið á Norðurlandi eða rúmlega 24% en 1,1% samdráttur varð í umferð yfir mælisnið á og við höfuðborgarsvæðið.

Af einstaka mælisniðum reyndist mesta aukningin vera yfir mælisnið á Mývatnsöræfum eða 46,7%. Þó þetta kunni að hljóma mikið þá ber að geta þess að um þetta mælisnið fer einungis um 0,9% af heildarumferðar um mælisniðin 16.

	Samantektartafla nr. 3
	2025/2024		2024/2023
	Milli apríl mánaða	Uppsafnað frá áramótum	Milli apríl mánaða	Uppsafnað frá áramótum



Landssvæði
Suðurland	5,5%	-1,0%	3,8%	11,5%
Höfuðborgarsvæðið	-1,1%	0,3%	8,3%	7,5%
Vesturland	12,0%	4,6%	-7,6%	2,6%
Norðurland	24,2%	8,9%	-17,0%	-0,3%
Austurland	18,2%	5,2%	-10,7%	1,9%
Samtals (vegið)	4,6%	1,5%	1,8%	6,6%

Nú hefur umferð aukist um 1,5%, frá áramótum, miðað við sama tíma á síðasta ári. Þetta er mun minni aukning (rúmlega fjórum sinnum minni) en á sama tíma á síðasta ári. Mest hefur umferð aukist um Norðurland en minniháttar samdráttur mælist um Suðurland, það sem af er ári.

Umferð eftir vikudögum

Frá áramótum er mest ekið á föstudögum en minnst á laugardögum. Mest hefur umferð aukist mánudögum en lítilháttar samdráttur mælist í umferð, í miðri viku, eða á miðviku- og fimmtudögum.

Nú þegar fjórir mánuðir eru liðnir af árinu 2025, stefnir í að umferð þetta árið geti aukist um 5% borið saman við árið 2024. Búist er við mestri aukningu um Norður- og Austurland en minnstri aukningu á og við höfuðborgarsvæðið. Athygli er vakin á því að þegar umferðartölur fyrir mars og apríl eru skoðaðar, verður að hafa í huga staðsetningu páska.

Til baka