Fréttir

Skrifað hefur verið undir verksamninga vegna uppbyggingar nýrrar strætóreinar á Kringlumýrarbraut. Framkvæmdum á að ljúka í ágúst. Markmiðið er að strætisvagnar komist leiðar sinnar á þessum kafla, óháð annarri umferð.

Áformað er að hífa nýja göngu- og hjólabrú upp í heilu lagi á Sæbraut í byrjun næstu viku og koma henni fyrir á stigahúsum sem reist hafa verið við Dugguvog og Snekkjuvog, þ.e. ef veðuraðstæður leyfa. Samtímis verða settar upp hæðarslár sitt hvoru megin við nýju brúna að því er fram kemur á vef Vegagerðarinnar.

Til að auka öryggi gangandi og hjólandi vegfarenda verður ljósastýring á gatnamótum Suðurlandsbrautar og Reykjavegar uppfærð fimmtudaginn 15. maí 2025. Á meðan á framkvæmdum stendur verða umferðarljósin óvirk frá kl. 19:00 til 20:00 að því er fram kemur í tilkynningu frá Reykjavíkurborg.

Umferðin, yfir 3 lykilmælisnið Vegagerðarinnar, á höfuðborgarsvæðinu dróst saman um 2,7% miðað við sama mánuð á síðasta ári. Þessi samdráttur helgast líklega af því að páskaumferðin fór fram í mars á síðasta ári en í apríl á þessu ári. Þetta kemur fram í tölum frá Vegagerðinni.

Sig­urður Helga­son, fv. upp­lýs­inga­full­trúi Um­ferðarráðs, lést á Land­spít­al­an­um í Foss­vogi miðviku­dag­inn 30. apríl síðastliðinn, á 71. ald­ursári. Sig­urður fædd­ist í Reykja­vík 1. októ­ber 1954. For­eldr­ar hans voru Val­ný Bárðardótt­ir hús­móðir og Helgi Sæ­munds­son, rit­stjóri og rit­höf­und­ur. Sig­urður var næstyngst­ur í hópi níu bræðra og ólst upp í Vest­ur­bæn­um.

Brot 282 ökumanna voru mynduð á Sæbraut í Reykjavík frá föstudeginum 2. maí til föstudagsins 9. maí. Fylgst var með ökutækjum sem var ekið Sæbraut í vesturátt, á gatnamótum við Langholtsveg.

Japanski bílaframleiðandinn Nissan hefur um hríð átt í miklum rekstrarvanda. Nú blasir við að fyrirtækið mun til viðbótar fækka yfir 10.000 störfum á heimsvísu, sem þýðir að heildarfjöldi uppsagna, að meðtöldum áður tilkynntum uppsögnum, verður um 20.000. Það er 15% af vinnuafli fyrirtækisins, að því er japanska ríkisútvarpið NHK greindi frá.

Eigendur sparneytnari bíla greiða hærri gjöld en nú, nái frumvarp um kílómetragjald fram að ganga. Stefnt er að því að afgreiða það á vorþingi. Ekki er talið samt ólíklegt að gildistökunni verði frestað til næstu áramóta.

Samtök evrópskra bílaframleiðenda (ACEA) hafa birt nýjustu tölur um sölu nýrra bíla á fyrsta ársfjórðungi 2025.Fram til mars á þessu ári voru hreinir rafbílar (BEVs) 15,2% af heildarmarkaði evrópusambandslandanna , á meðan tvinnbílar með rafhlöðu voru 35,5% og eru áfram vinsælasti valkosturinn meðal neytenda í ESB. Á sama tíma féll markaðurinn fyrir bensín- og dísilbíla um 10% miðað við sama tímabil í fyrra.

Þróttmikil eftirspurn eftir tvinnbílum er talin styðja við stöðugan hagnað Toyota þegar stærsti bílaframleiðandi heims birtir ársreikning sinn á fimmtudag, þótt fjárfestar verði mjög vakandi fyrir merkjum um yfirvofandi áhrif bandarískra tolla.