Betri kaskótrygging – ekki síst fyrir rafbíla

Tryggingafélagið Sjóvá hefur nú bætt kaskótryggingu viðskiptavini félagsins og gerir hana enn víðtækari en áður.

Kaskótryggingin bætir nú meðal annars tjón sem verður á rafhlöðu raf- eða tvinnbíla, vél eða gírkassa ef bíllinn rekst niður eða eitthvað hrekkur upp undir hann við venjulegan akstur,  annars staðar en á fjallvegum, slóðum, utan vega eða yfir óbrúaðar ár. 

Sjóvá lýsir yfir ánægju að geta boðið upp á kaskótrygginu sem bætir þessi tjón, fyrst íslenskra tryggingafélaga. Breytingarnar tóku gildi 23. apríl, iðgjaldið helst óbreytt og viðskiptavinir greiða einfaldlega það sama áfram fyrir enn betri tryggingu.  

Nánar um kaskótryggingu.