Sparneytnustu og öruggustu bílarnir 2015

Sænska tryggingafélagið Folksam hefur birt árlegan lista yfir þá bíla sem standast öryggiskröfur sem félagið gerir til bíla og eru jafnframt þeir sparneytnustu hver í sínum stærðarflokki.

Folksam hefur um langt árabil rannsakað öryggi bíla frá flestum sjónarhornum, þeirra á meðal raunverulegum slysum, meiðsla-og dánartíðni í þeim sem og tíðni slysa miðað við ekna kílómetra. Þessar rannsóknir Folksam hafa í áranna rás leitt í ljós að sumum tegundum og gerðum bíla er hættara við tilteknum tegundum slysa en öðrum. En til að bílar yfirleitt komi til greina í þessari árlegu rannsókn á því hversu öruggir bílarnir eru, er núverandi viðmiðun sú að bíll þarf að hafa náð minnst 40 prósentum þeirra öryggisstiga sem bílar geta hugsanlega hlotið hjá Euro NCAP fyrir vernd fótgangandi og 88 prósent þeirra stiga sem gefin eru fyrir vernd fólksins í bílnum. Í ofanálag skulu bílarnir vera minnst 30 prósent yfir öryggismeðaltali félagsins sem byggt er á eigin slysarannsóknum Folksam.

Þetta eru þeir 13 nýju bílar, árgerð 2015, sem að mati Folksam eru bæði öruggastir og sparneytnastir: