Stolinn bíll

http://www.fib.is/myndir/Vitaran.jpg

Sl. fimmtudagskvöld var þessum jeppa stolið úr innkeyrslu við Vesturgötu í Reykjavík. Bíllinn er Suzuki Vitara árg. 2000 með skrásetningarnúmerið LX 611.

Þjófurinn hefur líklegast farið inn um ólæstar útidyr á húsinu og tekið lykla að bílnum af snaga í forstofunni og ekið brott.

Eigendur bílsins uppgötvuðu þjófnaðinn þegar þeir komu heim frá útlöndum á mánudagskvöldinu. Þjófnaðurinn var strax kærður til lögreglu en bíllinn er ófundinn, en vitað er að hann var á ferðinni á höfuðborgarsvæðinu um síðustu helgi.

Þeir sem telja sig vita hvar bíllinn er niðurkominn eru vinsamlegast beðnir að láta lögreglu vita og/eða hringja í síma 691 0996 eða senda tölvupóst á stefan@fib.is