52 þúsund ökutæki fara um Reykjanesbraut á sólarhring árið 2044

Samkvæmt spá verkfræðistofunnar Mannvits þá munu um 52.000 ökutæki fara um Reykjanesbraut á sólarhring árið 2044. Þetta þýðir um 165% aukningu frá því sem nú er. Aðalástæðan fyrir þessari aukningu er aukinn fjöldi ferðamanna og flugumferðar um Keflavíkurflugvöll.

Þetta kem­ur fram í viðauka­skýrslu Mann­vits, sem fjallað er um í Morg­un­blaðinu í dag, um mat á um­hverf­isáhrif­um vegna áforma um breikk­un braut­ar­inn­ar frá Krýsu­vík­ur­vegi að Hvassa­hrauni þannig að hún verður tvö­föld á báða vegu. Þetta er eini hluti braut­ar­inn­ar sem hef­ur ekki þegar verið breikkaður í þá mynd.

Þetta er 5,6 kílómetra kafli. Jafnframt á að breyta mislægum gatnamótum við álverið í Straumsvík, útbúa vegtengingar að Straumi og Álhellu. Mislæg gatnamót verða byggð við Rauðamel og tenging að dælu- og hreinsistöð austan við Straumsvík útbúin. Einnig er í bígerð að gera undirgöng fyrir gangandi og hjólandi umferð rétt austan við álverið.

Meginmarkmiðið með þessum framkvæmdu er að auka umferðaröryggi á þessum vegarkafla en slys eru nokkuð algeng á Reykjanesbraut.