Eldri fréttir

Nýskráningar fólksbifreiða það sem af er árinu eru 7.220 og er það aukning um 21,3% í samanburði við sama tíma á síðasta ári. Þá voru nýskráningar 5.954 að því er fram kemur í tölum frá Bílgreinasambandinu. Flestar nýskráningar eru til ökutækjaleiga, alls 60%, og 40% til almennra notkunar.

Hluthafar Nissan Motor lýstu yfir mikilli óánægju með slæma afkomu bílaframleiðandans á aðalfundi félagsins nú í byrjun vikunnar. Sumir kröfðust meiri ábyrgðar stjórnenda vegna versnandi stöðu þriðja stærsta bílafyrirtækis Japans.

Í gegnum tíðina hefur FÍB reynt að fá Fjármálaeftirlitið (FME) til að skýra frá aðhaldi sínu að tryggingafélögunum í þágu viðskiptavina. Fyrir bíleigendur er sérstök ástæða til að spyrja, því tryggingafélögin hafa safnað upp tugmilljarða króna sjóðum með ofteknum iðgjöldum bílatrygginga. Spurt er hvaða þörf er fyrir slíka sjóði. Fjármálaeftirlitið hefur hins vegar engan áhuga á því að svara.

Bílastæðafyrirtækin innheimta svokölluð vanrækslugjöld hjá eigendum bíla sem hefur verið lagt í gjaldstæði án tímanlegrar greiðslu. Algengasta vanrækslugjaldið er 4.500 krónur sem bílastæðafyrirtækin hafa hermt eftir Bílastæðasjóði Reykjavíkur. Þó sker bílastæðið á Hafnartorgi sig úr, þar kostar klukkutíminn 660 krónur og vanrækslugjaldið er 7.500 krónur.

Neytendastofa sektaði Parka fyrir að blekkja bíleigendur sem nota bílastæðið við Domus við Egilsgötu 3. Parka fullyrðir á skilti við bílastæðið að rafræn vöktun eigi sér stað með álestri á númeraplötur. Engar slíkar myndavélar er hins vegar að finna á bílastæðinu og því er með engu móti hægt fyrir Parka að staðreyna hvenær bíl var lagt eða hvenær hann fór. Enda virðist Parka slétt sama um það, fyrirtækið treystir einfaldlega á að fólk skrái og borgi viðveruna í Parka appinu eða í greiðsluvél á staðnum. Þeir sem ekki gera það borga ekkert.

Það er gengið út frá því í dönsku bílastæðareglugerðinni að innheimtuseðil vegna vangreidds bílastæðagjalds, á bílastæðum einkafyrirtækja, verður að afhenta í áþreifanlegu formi, annaðhvort ökumanni eða festa á bílinn. En bílastæðafyrirtækin túlka reglurnar á annan hátt og senda út „ósýnileg bílastæðagjöld“. Thomas Danielsen, samgönguráðherra Danmerkur vill kom í veg fyrir þetta með breytingum á reglugerð.

Bílar veita nú svo góða vernd að hættan á að deyja í nýjum bíl er 85 prósent minni en í bíl frá árinu 1980, samkvæmt sænskri rannsókn. Rannsóknin bendir einnig á átta sérstaklega örugga bíla í raunverulegum slysum, og Volvo stendur sig enn afar vel á því sviði.

Tveimur vikum eftir að Neytendastofa sektaði fjögur bílastæðafyrirtæki hafa þau ekki brugðist við. Fyrirtækin voru sektuð fyrir ónógar eða villandi upplýsingar um gjaldskrá og innheimtu. Stutt yfirferð FÍB sýnir að engar úrbætur hafa verið gerðar. Enn viðhafðir sömu viðskiptahættir

BYD, stærsti framleiðandi Kína á raf- og tengiltvinnbílum, býður brasilískum bílakaupendum tiltölulega hagstæðar lausnir á markaði þar sem rafbílanotkun er enn ekki langt komin. Embættismenn í brasilískum bílaiðnaði og leiðtogar verkalýðsfélaga óttast að mikill innflutningur bíla frá BYD og öðrum kínverskum bílaframleiðendum muni draga úr innlendri bílaframleiðslu og skaða störf.

Formúla 1 er íþrótt sem hefur verið gríðarlega vinsæl en á síðustu árum hefur áhuginn fyrir íþróttinni farið vaxandi. Þættirnir Drive to Survive, sem Netflix gaf út fyrst árið 2018, hafa hjálpað til við að kynna íþróttina fyrir nýjan markhóp og aukið vinsældir hennar. Núna er verið að kynna enn stærra verkefni en það er bíómynd sem kallast F1, eða Formúlu 1 bíómyndin.