Fréttir

Sigurður Ingi Jóhannsson innviðaráðherra tók á dögunum fyrstu skóflustungu á gröfu að framkvæmdum vegna þriðja áfanga Arnarnesvegar, milli Rjúpnavegar og Breiðholtsbrautar. Markmið framkvæmdanna er að auka umferðaröryggi, stytta ferðatíma og létta á umferð við Vatnsendaveg. Áætluð verklok eru haustið 2026

Umferðin í ágúst á Hringveginum hefur ekki áður mælst meiri. Hún jókst um rúm átta prósent frá sama mánuði fyrir ári síðan en var eigi að síður heldur minni en umferðin í júlí. Nú má búast við að umferðin í ár aukist um 6-7 prósent á Hringveginum að því er fram kemur í tölum frá Vegagerðinni.

Í gær var sagt frá því á Mbl.is og í sjónvarpsfréttum RÚV að bílaumboðið Hekla hefði selt sinn síðasta metanbíl að sinni. Haft var eftir forstjóra Heklu, Friðberti Friðbertssyni, að ekki stæði til að flytja inn fleiri metanbíla að óbreyttu. Ekkert annað bílaumboð flytur inn metanknúna fólksbíla.

Neytendahópar víðsvegar um Evrópu skora á evrópsk neytendayfirvöld að hefja rannsókn á AdBlue í löndum innan Evrópusambandsins. Kvörtunin er til komin vegna tíðra bilana í AdBlue kerfi bíla. Á grundvelli þessara nýju sönnunargagna, kalla neytendahópar eftir því að evrópsk neytendayfirvöld rannsaki málið.

Ein af stærri ferðahelgum sumarsins er fram undan og margir sem verða á ferð og flugi. Búast má við mikilli umferð á Hringvegi (1) frá því snemma á föstudag og fram á sunnudagskvöld. Vegagerðin biðlar til vegfarenda að fara varlega í umferðinni, aka ekki yfir hámarkshraða, sýna þolinmæði og gera ráð fyrir að það tekur lengri tíma að fara á milli staða en vanalega.

Eign­ar­halds­fé­lagið Vekra, sem meðal ann­ars rek­ur bílaum­boðið Öskju, hef­ur gert samn­ing um kaup á öllu hluta­fé í fyr­ir­tæk­inu Dekkja­höll­inni. Eru kaup­in þó háð samþykki Sam­keppnis­eft­ir­lits­ins, að því er kem­ur fram í til­kynn­ingu.

Nú liggja fyrir sölutölur á nýskráðum fólksbílum á fyrstu sjö mánuðum þessa árs. Þar kemur í ljós að Toyota sker sig nokkuð úr í sölunni en það sem af er árinu hafa 2.193 Toyota bílar verið nýskráðir. Tesla er í öðru sæti með 1.584 bíla og Kia kemur í þriðja sætinu með 1.511 bíla. Dacia er í fjóðra sætinu með 1.005 seldar bifreiðar.

Lögreglan á höfuðborgarsvæðinu verður með hefðbundið eftirlit um verslunarmannahelgina eins og jafnan áður að því er fram kemur í tilkynningu. Áherslan í sumar hefur m.a. verið á eftirlit með hraðakstri, notkun farsíma við akstur án handfrjáls búnaðar, ferðavögnum/eftirvögnum og hættulegum framúrakstri.

Ein mesta ferðahelgi ársins er framundan og búast má við að fólk verði á faraldsfæti um land allt. Viðbúið er að mikil umferð verði á Hringvegi (1) alla helgina, ekki síst í kringum höfuðborgarsvæðið.

Verslunarmannahelgin hefur í gegnum árin verið ein mesta ferðahelgi ársins. Líkt og alltaf beinir FÍB því til ökumanna sem ætla að vera á ferðinni að gefa sér nægan tíma áður en haldið er út í umferðina. Munið að taka enga áhættu með framúrakstri, stillið hraðanum í hóf og spennið beltin. Markmiðið er að njóta ferðalagsins og tryggja að allir komi heilu og höldnu á áfangastað.