Fréttir

Umferðin á höfuðborgarsvæðinu í maí dróst saman um 1,5 prósent. Þetta er annar mánuðurinn í röð sem mælist samdráttur á svæðinu sem er ólíkt því sem gerðist á Hringveginum. Eigi að síður hefur umferðin fyrstu fimm mánuði ársins aukist um 5,3 prósent sem er veruleg aukning að því er fram kemur í tölum frá Vegarerðinni.

Brimborg og e1 hafa hafið samstarf og opnað tvær fyrstu hraðhleðslustöðvar Brimborgar sem eru nú aðgengilegar öllum rafbílanotendum í gegnum e1 appið. Brimborg styður með þessum hætti við íslensk sprotafyrirtæki og hraðar orkuskiptunum með því að auðvelda rafbílanotendum að hlaða allar stærðir og gerðir rafbíla.

Umferðin í nýliðnum maí á Hringveginum jókst um 2,3 prósent miðað við sama mánuð fyrir ári síðan. Frá áramótum hefur umferðin aukist um 10 prósent og útlit er fyrir að umferðin í ár aukist jafn mikið. Þetta er mjög mikil aukning. Umferðin í maí hefur aldrei verið meiri að því er fram kemur í tölum frá Vegagerðinni.

Tíu jarðgöng verða í sam­göngu­áætlun til næstu þrjátíu ára og fern önn­ur til sér­stakr­ar skoðunar. Þetta kom fram að loknum ríkisstjórnarfundi sl. föstudag. Fram kom í viðtali við innviðarráðherra á mbl.is að hann hefði auðvitað viljað fá miklu meiri pen­inga og fara í fleiri fram­kvæmd­ir.

Nýr Suðurlandsvegur milli Hveragerðis og Selfoss var formlega tekinn í notkun í gær. Verkið Hringvegur (1), Biskupstungnabraut – Gljúfurholtsá er annar áfangi breikkunar Suðurlandsvegar milli Selfoss og Hveragerðis. ÍAV er aðalverktaki framkvæmdanna sem hófust í apríl 2020.

Nú hafa tilkynningar um eigendaskipti ökutækja og meðeigenda ökutækja flust yfir á Ísland.is. Ferlið er að fullu stafrænt, hefur verið endurbætt og er nú mun notendavænna en áður að því er fram kemur í tilkynningu frá Samgöngustofu.

Vegagerðin og ÍAV hafa skrifað undir verksamning um tvöföldun Reykjanesbrautar (41) milli Krýsuvíkurvegar og Hvassahrauns ásamt aðliggjandi hliðarvegum. Tilboð voru opnuð 5. apríl en ÍAV bauð tæpa fjóra milljarða króna í verkið sem var talsvert undir áætluðum verktakakostnaði. Undirbúningur hefst strax en framkvæmdir á verkstað hefjast í sumar.

Nú berast fréttir um það að neytendum standi ekki til boða annað 95 oktan bensín en svokallað E10 sem er með 10% etanólblöndu. Enginn aðdragandi var að þessum breytingum á vöruvali og engin kynning fór fram til að upplýsa neytendur. Fjölmargir bifreiðaeigendur hafa haft samband við skrifstofu FÍB sem segja að þessi breyting hafi komið flatt upp á þá. Hafa yfirvöld neytendamála á Íslandi enga aðkomu að þessum breytingum? Svona vinnubrögð vekja furðu á upplýsingaöld.

Hérðasdómur Reykjavíkur dæmdi í dag Harald Svein Tryggvason, fyrrverandi framkvæmdastjóra bílaleigunnar Procar, í tólf mánaða skilorðsbundið fangelsi. Ákærði játaði sök og greiddi kaupendum bifreiðanna skaðabætur sem var virt honum til refsimildunar.

Neytendastofa hefur tekið ákvörðun gagnvart Olís ehf., vegna auglýsinga um afslátt á völdum sjálfsafgreiðslustöðvum ÓB. Auglýstur var afsláttur af eldsneyti, sem tengdist úrslitum íslenska landsliðsins í handbolta á heimsmeistaramótinu sem fram fór í Svíþjóð, án þess að tekið var fram að afslátturinn gilti ekki á öllum sjálfsafgreiðslustöðvum ÓB. Jafnframt var auglýstur afsláttur á vefsíðu félagsins þar sem tilkynnt var með stjörnumerktum texta með smáu letri að afslátturinn gilti ekki á þeim sjálfsafgreiðslustöðvum þar sem í gildi væri lægsta verð ÓB.