Fréttir

Iðgjöld bílatrygginga hækka með velþóknun Fjármálaeftirlitsins

Síðastliðin fjögur ár hafa iðgjöld lögboðinna ökutækjatrygginga hækkað um 25%. Á sama tíma hefur vísitala neysluverðs hækkað um 7% og verð nýrra bíla lækkað um 13%.

Auglýsingarnar þóttu villandi – Toyota kærir ákvörðun Neytendastofu

Bílaumboðið Toyota á Íslandi hefur kært til áfrýjunarnefndar í neytendamálum þá ákvörðun Neytendastofu um að banna fyrirtækinu að fullyrða í auglýsingum sínum að Hybrid-bílar framleiðandans séu ,,50% rafdrifnir“ án þess þess að frekar sé útskýrt hvað við sé átt eins og komist er að orði. Þetta kemur fram í Fréttablaðinu í dag.

Húsvíkingar fá hraðhleðslu

ON hefur tekið í notkun nýja hlöðu með hraðhleðslu fyrir rafbíla á lóð Orkunnar á Húsavík. Það var Árni Sigurbjarnarson, einn af stofnendum hvalaskoðunarfyrirtækisins Norðursiglingar, sem fyrstur hlóð rafbíl í nýju hlöðunni, forláta Teslu. Hraðhleðslan mun auðvelda Árna að hlaða í heimabyggð en næstu hlöður ON eru á Akureyri og Mývatni.

Ölfusárbrú lokuð í viku

Vegna viðgerða verður brúin yfir Ölfusá lokuð í viku og verður brúin alveg lokuð frá og með kl. 20 þann 13. ágúst til 20 ágúst. Nýtt brúargólf verður steypt um nóttina, steypan er nokkra sólarhringa að harðna og áætlað er að hægt verði að hleypa aftur umferð á brúna þann 20. ágúst.

Ólöglegar vélabreytingar á kostnað umhverfisins

Undanfarin misseri hafafyrirtæki hér á landi boðið bíleigendum upp á að endurforrita vélartölvur ökutækja og er sagt að það skili meira afli og minni eldsneytiseyðslu. Samkvæmt heimasíðum og facebook-síðum Bílaforritunar og Kraftkorta, fyrirtækja sem bjóða þessa þjónustu, er m.a. boðið upp á þann valkost að taka mengunarvarnarbúnað bílaframleiðenda úr sambandi. Þarna er sérstaklega fjallað um EGR-ventla, sótagnasíur og AD-blue hreinsibúnað. Aftenging þessa búnaðar frá framleiðanda eykur losun heilsuspillandi mengandi efna og skaðlegra sótagna frá bílum.

Samdráttur í fjölda nýskráninga fólks- og sendibíla

Samdráttur í fjölda nýskráninga fólks- og sendibíla fyrstu sjö mánuði ársins hér á landi nam rúmlega 12%. Fjöldi nýskráninga í þessum flokki var 14.741 bíll en á sama tímabili 2017 seldust alls 16.794 bifreiðar. Munar mestu í þessum samanburði um nýja bíla sem bílaleigur eru að fá til sín en þar nemur samdrátturinn um 19%. Þetta kemur fram í tölum sem Bílgreinasambandið sendi frá sér.

Tekjur ríkissjóðs af innflutningi nýrra bíla námu 10,1 milljarði

Tekjur ríkissjóðs af innflutningi nýrra bíla halda áfram að aukast. Árið 2017 námu tekjurnar 10,1 milljarði kr. eða um 21% aukningu á milli ára. Tekjuaukningin er fyrst og fremst tilkomin vegna aukins fjölda innfluttra bifreiða á árinu eftir því sem fram kemur í Árbók bílgreina 2018.

BMW innkallar bíla sökum vélargalla

Þýski bílaframleiðandinn BMW hefur orðið að grípa til þess ráðs að innkalla á fjórða hundruð þúsund bifreiðar sökum vélargalla sem fram hefur komið í dísil bifreiðum framleiðandans í S-Kóreu.

Tesla íhugar að fara af hlutabréfamarkaði

Elon Musk, enn af stofnendum Tesla, er alvarlega að hugsa um að taka fyrirtækið sitt af hlutabréfamarkaði. Í tilkynningu frá Tesla kemur fram að endanlega ákvörðun í málinu verði tekin á næstunni.

Bensínbílar tveir þriðju allra ökutækja í landinu

Heildarfjöldi skráðra ökutækja á Íslandi í árslok 2017 var 366.888 en þar af voru 294.482 ökutæki í umferð á þeim tíma. Að meðaltali voru því fleiri en eitt ökutæki skráð á hvern Íslending 2017.