Fréttir

Sigurður Ingi Jóhannsson, samgöngu- og sveitarstjórnarráðherra vígði nýjan veltibíl í síðustu viku. Tilgangur bílsins er að vekja athygli á bílbeltanotkun en hann er á vegum Brautarinnar, bindindisfélags ökumanna, til að auka umferðaröryggi. Stefna íslenskra stjórnvalda er mjög skýr, öryggi liggur til grundvallar allri stefnumótun og aðgerðum í samgöngumálum.

Í könnun sem spænski bílaframleiðandinn Seat lét vinna fyrir sig kom í ljós að þegar hundur er með í bílnum hefur hann góð áhrif á aksturslag ökumannsins. Rúmlega helmingur hundaeigenda í könnun Seat sögust aka með meiri gætni þegar hundurinn væri með í för. Ábyrgðartilfinningin jókst til muna eftir því sem ökumaðurinn var yngri en minnkaði að sama skapi eftir sem ökumennirnir voru eldri.

Endurnýjanlegir orkugjafar verða sífellt aðgengilegri valkostur fyrir neytendur þegar kemur að vali á bílum. Útlit er fyrir að orkuskiptin munu verða að veruleika á næstu árum og áratugum en það tekur þó tíma að umbylta orkunotkun. Jarðefnaeldsneyti er þrátt fyrir það enn í miklum meirihluta. Samdráttur var í bruna á jarðefnaeldsneyti bílaflotans milli ára. Þetta er meðal þess sem kemur fram í Árbók bílgreina 2020.

Kínverski rafbílaframleiðandinn BYD stefnir að því að fara inn á norskan markað í meira mæli en hann hefur gert fram þessu. Borgaryfirvöld í Osló hafa nú þegar góða reynslu af viðskiptum við þennan kínverska framleiðanda. Frá árinu 2018 hafa þau keypt af BYD 45 strætisvagna knúna rafmagni og er reynslan af þeim afar góð.

Fyrsti áfangi breikkunar Vesturlandsvegar um Kjalarnesi verður boðinn út í vikunni. Verkið í heild snýst um breikkun Vesturlandsvegar á um 9 km kafla milli Varmhóla og Hvalfjarðarvegar. Vegurinn verður 2+1 vegur en á honum verða þrjú hringtorg við Móa, Grundarhverfi og Hvalfjarðarveg. Samhliða breikkuninni verður vegtengingum fækkað og í staðinn gerðir hliðarvegir ásamt reiðstígum og stígum fyrir gangandi og hjólandi vegfarendur.

Um 10% þjóðarinnar, eða um 35 þúsund Íslendingar, nota ekki bílbelti að staðaldri en þetta kom fram í viðtali við sérfræðing á öryggis- og fræðsludeild Samgöngustofu í morgunþætti á Rás 2. Fram kom einnig að um tveir þriðju þeirra sem létust í bílslysum í fyrra voru ekki í bílbeltum.

Þrátt fyrir erfitt umhverfi í bílaiðnaðinum um heim allan getur bandaríski bílaframleiðandinn Tesla verið ágætlega sáttur við sinn hlut. Bílar fyrirtækisins hafa selst vel víða um heim það sem af er þessu ári.

Kia er í efsta sætinu í árlegri áreiðanleikakönnun banda­ríska grein­ing­ar­fyr­ir­tæk­is­ins J.D. Power. Þetta er sjötta árið í röð sem Kia er í efsta sætinu í könn­un J.D. Power. Kia deildi efsta sætinu með Dodge að þessu sinni.

Sala á bifreiðum í Bretlandi dróst saman um 35% í júní miðað við sama mánuð í fyrra. Þetta er minnsti samdrátturinn síðan í febrúar þegar Covid-19 fór af stað. Til samaburðar nam samdrátturinn 44% í mars, 97% í apríl og 89% í maí.

Einmuna veðurblíða hefur verið síðustu daga og veðurspáin góð áfram. Því stefnir í stóra ferðahelgi.