Fréttir

Nýskráðar nýjar fólksbifreiðar eru það sem af er árinu orðnar alls 13.591. Á sama tímabili í fyrra voru þær 10.362 þannig að aukningin er um 31,2%. Bílar til almennra notkunar og bíaleiga skiptast nokkuð jafnt, 50,1% nýskráninga er til bíaleiga og 49,2% til almennra notkunar. Þetta kemur fram í nýjum tölum frá Bílgreinasambandinu.

Vígsla nýrrar brúar yfiryfir Jökulsá á Sólheimasandi fór fram fyrir helgina. Með tilkomu brúarinnar fækkar einbreiðum brúm enn frekar og hér eftir verður engin einbreið brú á Hringveginum frá Reykjavík og austur fyrir Kirkjubæjarklaustur.

Í tölum sem Hagstofa Evrópusambandsins, Eurostat, birti kemur fram að bílafloti Íslendinga er með þeim yngri í samanburði nokkurra landa í Evrópu. Eurostat, birti nýverið yfirlit yfir aldur bílaflota í álfunni og þegar tölur um íslenska flotann eru bornar saman má sjá að tíu lönd hafa á að skipa hærra hlutfalli nýrra bíla, fimm ára og yngri. Ísland er í ellefta sæti listans en 17 lönd eru þar fyrir neðan með lægra hlutfall nýrra bíla. Þetta kemur fram í umfjöllun Morgunblaðsins um málið.

Vetrardekkjakönnun FÍB er komin út og aðgengileg félagsmönnum á heimasíðu FÍB. Könnunin er unnin upp úr dekkjaprófunum sem félag norskra bifreiðaeigenda, NAF, vann og stóð straum að.

Félag Íslenskra bifreiðaeigenda, FÍB, vill efla þjónustuna við félagsmenn. Af því tilefni hefur verið send út þjónustukönnun með það að markmiði að fá endurgjöf frá félagsmönnum varðandi þá þjónustu sem þeir hafa nýtt sér.

Vegagerðin opnar nýjan umferðarvef, umferdin.is, á morgunfundi nk. fimmtudag. Vefurinn mun sinna því hlutverki sem núverandi færðarkort Vegagerðarinnar hefur sinnt um árabil og flestir vegfarendur þekkja vel. Nýi vefurinn verður mun aðgengilegri, sérstaklega í snjalltækjum, og mun gefa mun meiri möguleika til framþróunar.

Við Eskiás í Garðabæ er að rísa nýtt hverfi þar sem umhverfissjónarmið spila stórt hlutverk. Ein af þeim leiðum sem byggingaraðilar ákváðu að fara var að hafa öll bílastæði ofanjarðar og sameiginleg með öllum húsunum sem eykur samnýtingu stæðanna.

Framleiðsla Hongqi hófst árið 1958 og afhenti framleiðandinn á síðasta ári yfir 3,5 milljónir ökutækja. Hongqi E-HS9, flaggskip merkisins, hefur fengið góðar viðtökur í Evrópu þar sem bíllinn er kominn í sölu, ekki síst Noregi, þar sem selst hafa um 1.300 eintök frá því að salan hófst fyrr á þessu ári. Auk Íslands eru um þessar mundir að taka til starfa umboð fyrir merkið í Svíþjóð og Hollandi.

Orkukreppan gæti dregið úr framleiðslu bíla í Evrópu um næstum 40% ef spár fyrirtækisins S&P Global Mobility, sem er leiðandi veitandi í bílalausnum, ganga eftir. Í tilkynningu fyritækisins er varað við því að í versta falli gæti orkukreppan í Evrópu dregið úr bílaframleiðslu sinni um nálægt 40%, eða meira en 1 milljón bíla, á ársfjórðungi til loka ársins 2023.

Umferðin á höfuðborgarsvæðinu í september reyndist 2,6 prósentum meiri en í sama mánuði fyrir ári. Umferðin hefur ekki áður mælst meiri í september. Maí og september eru iðulega umferðarmestu mánuðirnir. Nú stefnir í að umferðin verði svipuð og í fyrra en minni en metárið 2019 að því fram kemur í tölum frá Vegagerðinni.