Fréttir

Reykjavíkurborg og tryggingafélag borgarinnar hafa hafnað bótakröfu félagsmanns FÍB sem varð fyrir því að bíll hans stórskemmdist í holu á Hverfisgötu 28. febrúar sl. Meginrök fyrir höfnuninni eru þau að starfsmenn Reykjavíkurborgar hafi ekki vitað af því að aðstæður á óhappastað hefðu verið eins og þær voru. Nú er komið í ljós að þau rök standast ekki.

Athugasemd frá FÍB vegna yfirlýsingar FME

FÍB hefur undanfarið gagnrýnt Fjármálaeftirlitið (FME) fyrir hversu tregt það er að gæta hagsmuna almennings gagnvart sjálftökufyrirætlunum eigenda tryggingafélaganna. Nú hefur Fjármálaeftirlitið svarað þessari gagnrýni og ber svarið þess skýran vott að ríkisstofnuninni telur ekki hagsmuni neytenda innan síns verkahrings.

Danska tryggingafélagið Tryg skilaði rekstrarhagnaði á síðasta ári og ætlar að láta viðskiptavini sína njóta góðs af og endurgreiða þeim 14,2 milljarða ísl. kr. eða um átta prósent af greiddum iðgjöldum sl. árs

- fjármálaráðherra hvattur til að taka í taumana áður en tryggingafélögin tæma bótasjóðina á næstu dögum Þrjú tryggingafélög hafa kynnt fyrirætlanir um samtals 8,5 milljarða króna arðgreiðslur á næstu dögum. Fjármunina á að taka úr bótasjóðum sem tryggingafélögin hafa safnað með uppsprengdum iðgjöldum af ofáætluðum tjónum.

Viðar Heimir Jónsson félagsmaður í FÍB varð fyrir því óhappi að aka ofaní djúpar holur við krappa hraðahindrun á Hverfisgötu móts við Þjóðmenningarhúsið. Viðar ók eftir Hverfisgötunni í átt að Hlemmi þegar bifreið hans tók hastarlega niðri og brotnaði olíupannan undir vélinni og olían flæddi út. Byrjað var að skyggja, votviðri var og skyggni ekki sérlega gott og talsverð umferð bíla um götuna sem og gangandi vegfarenda. Engin leið var því að sjá holurnar og engar merkingar voru við þær né fjölda annarra sem eru á þessum kafla Hverfisgötunnar. Borgin og tryggingafélag hennar hafna því að bæta tjónið.

Nú stendur bílasýningin í Genf sem hæst – sú sýning sem er helsti vettvangur evrópskra bílaframleiðenda til að viðra nýjungar og framtíðarhugmyndir. Eina athyglisverðastu hugmynd að nýjum borgarbíl sem fram hefur komið mjög lengi er þó ekki að finna á sýningunni í Genf. Það er rússneski hugmyndarbíllinn eða frumgerðin Mirrow Provocator.

Fram að þessu hefur það verið viðtekin skoðun að bíll með vélarhitara sem hefur hitað upp bílinn fyrir gangsetningu, mengi 50% minna fyrstu 20 notkunarmínúturnar en bíll með óupphitaða vél. En nú alveg nýlega hefur finnska tæknirannsóknastofnunin VTT rannsakað málið og er niðurstaðan sú að mengunin er allt að 71% minni. Munurinn á forhituðum bíl og óupphituðum er sem sé ekkert smáræði.

Það var ADAC í Þýskalandi, systurfélag FÍB sem fletti ofan af fúski Nokian. Fúskið fólst í því að Nokian útvegaði óháðum hjólbarðaprófunaraðilum hjólbarða í gæðaprófanir og laumaði til þeirra hágæðadekkjum og lét í veðri vaka að þetta væru þau dekki sem í boði væru á almennum markaði.