Fréttir

Miðað við árstíma virðist ástand gatna á höfuðborgarsvæðinu nokkuð gott. Veðurfar hefur verið einstaklega hagstætt það sem af er vetri en hafa verður í huga að enn er febrúar og allt getur gerst ennþá. Á þessum tíma árs eftir frostakafla og svo í kjölfar þíðu og leys­ing­a hafa gjarn­an mynd­ast hol­ur og skemmd­ir verða á veg­um. Miklu minna er um þetta fram þessu og þar á veðurfarið stærstan þátt.

Bandaríski bílaframleiðandinn General Motors, GM, lýsti því yfir í vikunni að allir bílar frá framleiðandanum verði rafknúnir frá 2035. Rekstur GM hefur gengið með ágætum en heimsfaraldurinn hefur sett strik í reikninginn eins og hjá öðrum bílaframleiðendum. Hagnaður GM lækkaði um 4,5% á árinu 2020 og var alls 6,4 milljarðar dala eftir skatt. Síðasti ársfjórðungur ársins var einstaklega góður.

Neytendastofu hefur borist tilkynning frá Brimborg ehf og Toyota um að innkallanir á samtals 95 bifreiðum.

Kia er í efsta sætinu í árlegri áreiðanleikakönnun bandaríska greiningarfyrirtækisins J.D. Power yfir bílaframleiðendur í magnsölu. Þetta er sjöunda árið í röð sem Kia er í efsta sætinu í könnun J.D. Power. Lúxusmerkin Lexus og Porsche eru í efstu sætunum en Kia er eins og áður segir efst yfir bílaframleiðendur í magnsölu.

Í skýrslu sem Samtök Iðnaðarins kynnti á fundi í Hörpu í dag kemur fram að stórir hlutar þjóðvegakerfisins uppfylli ekki lágmarksviðmið um slitlag og víða um land séu hættulegir vegkaflar. Fram kemur að óbreyttu er ekki búist við að þetta lagist mikið á næstu tíu árum. Þess er krafist að stjórnvöld bregðist tafarlaust við bágu ástandi vegakerfisins.

Bandaríski rafbílaframleiðandinn Tesla hefur orðið að grípa til þess ráðs að innkalla um 140 þúsund Model S og Model X. Fram komu gallar á bílum sem seldir voru í Bandaríkjunum sem geta valdið því að snetriskjáir hætta að virka. Bakkmyndavélar og miðstöðvar virkuðu ekki sem skildi.

Verðið á Brent hráolíumarkaðnum í byrjun þessarar viku er það hæsta sem sést hefur í yfir eitt ár. Olíuverð á heimsmarkaði hefur verið að hækka síðustu vikur. Ýmislegt hefur haft áhrif til hækkunar m.a. stigmögnun stríðsins í Jemen þar sem Íran og Sádi Arabía hafa styrkt andstæðar fylkingar og minna olíuframboð vegna samdráttur í framleiðslu Opec ríkjanna með Sádi Arabíu í broddi fylkingar.

Umhverfissamtökin, Greenpeace, halda því fram að ein af að hverjum fjórum ID.3 vélum þýska bílaframleiðandans Volkswagen sem seldar voru á síðasta ári hafi verið keyptar af fyrirtækinu sjálfu. Tilgangurinn einn var að komast hjá því að greiða mengunarskatt og Evrópusambandinu sektir fyrir losun koltvísýrings, CO₂. Það er sænski miðillinn automotorsport sem fjallar um málið.

Nýjasta kynslóð bílastæðakerfa er á leið í öll sjö bílastæðahús Reykjavíkurborgar. Bílastæðakerfin eru þegar komin upp og hafa verið gerð virk í Kolaporti, Vitatorgi og Stjörnuporti og uppsetning á kerfunum stendur yfir í Traðarkoti og Vesturgötu. Öryggismiðstöðin setur upp kerfin en um er að ræða myndavélar, bómur, greiðsluvélar og fleira sem tengist tæknibúnaði við bílastæðakerfin. Bílastæðasjóður valdi lausnir frá Öryggismiðstöðinni í þetta stóra og umfangsmikla verkefni.

ámarks olíuframleiðslu hefur verið náð að mati olíufyrirtækisins Shell. Fram kemur í fréttamiðlum að hámarkinu hafi reyndar verið náð 2019 og eins og staðan er í dag verður annað eins magn ekki framleitt aftur. Í umfjöllun kemur ennfremur fram að losun koltvísýrings hafi náð hámarki árið 2018, þar sem 1.7 gígatonnum af koltvísýringi var sleppt út í andrúmsloftið.