Fréttir

Ein mesta ferðahelgi ársins, verslunarmannahelgin, er framundan og mikill umferðarþungi því samfara á vegum landsins. Lögð er þung áhersla á að ökumenn gefi sér nægan tíma áður en haldið er út í umferðina.

Umferðareftirlit er viðamikill hluti af starfsemi Lögreglunnar á höfuðborgarsvæðinu og hvergi hefur verið slakað á í þeim efnum í sumar. Umferðin hefur almennt gengið vel fyrir sig í umdæminu og vonandi verður svo áfram.

Vegagerðin hefur hleypt umferð á nýjan veg í botni Berufjarðar á Austurlandi. Þarna er um að ræða 4,9 km langan vegarkafla sem nú er með bundið slitslag. Þetta eru tímamót því þetta er í fyrsta sinn sem Hringvegurinn allur er með bundnu slitslagi.

Umferðin í nýliðnum júlí á Hringvegi jókst um 1,4 prósent. Þetta er minnsta aukning í umferðinni í þessum mánuði síðan árið 2012. Útlit er fyrir að aukning umferðar í ár í heild gæti numið 2,7 prósentum sem að sama skapi væri minnsta aukning síðan árið 2012. Samdráttur í umferð mælist á Austurlandi. Þetta kemur fram í tölum frá Vegagerðinni.

Orka náttúrunnar mun leggja kapp á að rafbílaeigendur geti nýtt sér hlöður fyrirtækisins vítt og breitt um landið. Til dæmis er unnið að endurnýjun á hraðhleðslum við Glerártorg á Akureyri og í Búðardal.

Neytendastofu hefur borist tilkynning frá BL ehf. um að innkalla þurfi 25 Renault Traffic III bifreiðar af árgerð 2018. Ástæða innköllunarinnar er að möguleiki er á að handbremsa virki ekki sem skildi.

Bílabjörgun á Akureyri annast FÍB aðstoð á svæðinu og þar um kring. Fyrirtækið er leiðandi aðili í flutningum og björgun ökutækja á norðurlandi. Hjá Bílabjörgun starfar einn starfsmaður í fullu starfi sem hefur mikla reynslu og þekkingu af bílabjörgun og flutningum. Bakvaktir og vaktir einnig taka aðrir starfsmenn Car-x sem alla jafna sinna tjónaviðgerðum og skrifstofustörfum. Reynslumikið starfsfólk Bílabjörgunar aðstoðar fljótt og örugglega þegar kallið berst.

Innbrot í nýja og nýlega bíla virðast hafa verið að færast í vöxt í Bretlandi. Bíleigendur hafa raunar víða orðið fyrir barðinu á þessum þjófum sem láta greipar sópa sem aldrei fyrr. Algengt er að fólk sjái þess merki að farið hefur verið inn í bíla þess á bílastæðum og stolið úr þeim töskum, myndavélum og öðrum farangri.

Niðurtalningarljós fyrir gangandi vegfarendur voru tengd fyrir helgina á gatnamótum Bankastrætis og Lækjargötu.Bætt öryggi er meginástæðan fyrir uppsetningu ljósanna en niðurtalningarljósin hjálpa fólki að virða ljósin.

Stefnt er að því að fræsa Suður­lands­veg frá hring­torgi við Toyota á Sel­fossi að Olís Arn­bergi í dag. Þetta kem­ur fram í frétta­til­kynn­ingu frá Vegagerðinni.