Fréttir

Nýjar hraðamyndavélar verða settar upp í Hvalfjarðargöngum á næsta ári. Vegagerðin hyggst kaupa nýju myndavélarnar og fjármagn til uppsetningar vélanna þú þegar fyrir hendi. Talið er að kostnaður við þær verði ekki undir 50 milljónum króna. Þetta kemur fram Í Skessuhorni.

Velta í þeim útgjaldaliðum sem tengjast rekstri bifreiða drógust verulega saman milli ára í ágúst, en dregið hefur úr bílainnflutningi á árinu. Þetta kemur fram í nýrri úttekt Hagsjár, sem hagfræðideild Landsbankans stendur að.

Tilkynnt verður um val á Bíls ársins 16. október næstkomandi og sigurvegara í hverjum flokki fyrir sig. Átján bílar í sex flokkum hafa komist í lokaval Bandalags íslenskra bílablaðamanna í vali á bíl ársins 2020. Alls voru 30 bílar í forvali.

Umferðin á Hringveginum dróst saman um 1,7 prósent í nýliðnum septembermánuði. Það hefur verið lítið um samdrátt í umferðinni liðin misseri en hér vekur athygli að mestur samdráttur er á Suðurlandi og mælist hann heil 8,5 prósent. Eigi að síður má reikna með að í heild aukist umferðin í ár um 2-3 prósent á Hringveginum. Þetta kemur fram í tilkynningu frá Vegagerðinni.

Um 38,4% samdráttur var í sölu á nýjum bílum fyrstu níu mánuði yfirstandandi árs þegar tekið er mið af sama tíma á síðasta ári. 9.838 bílar seldust fyrstu níu mánuðina á móti 15.970 bílum í fyrra. Ýmsar ástæður eru taldar til sem valda þessum samdrætti og má í því sambandi benda á að enn hafa ekki náðst kjarasamningar við stóran hóp fólks í landinu. Ennfremur er bent á fall WOW-air og fleiri ástæður væri hægt hægt að nefna.

Upp­lýs­ing­ar um akst­ur lands­manna sem fengn­ar eru með til­liti til bíl­núm­era eru per­sónu­grein­an­leg­ar og þarf því þá að skoða hug­mynd­ir um veg­gjöld í nýja sam­göngusátt­mál­an­um út frá per­sónu­vernd­ar­lög­um. Þetta kemur fram í umfjöllun í Morgunblaðinu um málið.

,,Við leggj­um áherslu á það að stíga mjög var­lega til jarðar varðandi hug­mynd­ir um vegtolla sem eru því miður allt of kostnaðarsam­ar hug­mynd­ir og þetta renn­ur jú allt upp úr sama vas­an­um. Það er eðli­legt að um­ferðin borgi þann kostnað sem af henni hlýst en við höf­um lagt áherslu á það að það er verið að inn­heimta í skött­um og gjöld­um af bíl­um um það bil 80 millj­arða á ári af hálfu hins op­in­bera,“ segir Runólfur Ólafsson, framkvæmdastjóri Félags íslenskra bifreiðaeigenda, í viðtali við Morgunblaðið um helgina.

Ný ÓB sjálfsafgreiðslustöð var opnuð í Vík í Mýrdal um helgina. Stöðin hentar vel bæði fólksbílum sem og atvinnubílum þar sem gott pláss er á stöðinni. Þetta kemur fram í fréttatilkynningu frá fyrirtækinu.

Sáttmáli ríkisins og sex sveitarfélaga um uppbyggingu samgöngumannvirkja á höfuðborgarsvæðinu á næstu 15 árum var undirritaður í ráðherrabústaðnum við Tjarnargötu í gær Forsætisráðherra, fjármála- og efnahagsráðherra, samgöngu- og sveitarstjórnarráðherrar borgarstjóri og bæjarstjórar sveitarfélaga á höfuðborgarsvæðinu undirrituðu sáttmálann.

Truflun og afvegaleiðing einbeitingar við akstur er alvarlegt umferðaröryggismál. Það þarf ekki nema 2 sekúndna truflun til að valda slysi. Allt að 25% af árekstrum í umferðinni tengjast truflun. Um 25-30% af heildar tíma við akstur er varið í athafnir sem geta truflað eða afvegaleitt.