Fréttir

Neytendastofu hefur borist tilkynning frá Heklu hf. að innkalla þurfi Mitsubishi ASX bifreiðar af árgerðinni 2013-2015. Ástæða innköllunar er að vatn getur komist í kúluliði á þurrkunum og valdið tæringu. Þurrkur geta orðið óvirkar af þessum sökum. Viðgerðin felst í að skipta þarf um þurrkuarma.

Þjóðvegi eitt um Holtsveg, vestan Kirkjubæjarklausturs, hefur verið lokað. Vatn úr Skaftárhlaupi flæðir þar yfir og af þeim sökum er umferð beint um Meðallandsveg. Lögreglan og Vegagerð hafa íhugað að rjúfa veginn til að hleypa vatninu í gegn en beðið verður átekta með þá ákvörðun.

Ógnvægileg þróun er að eiga sér stað sem rekja má til fíkniefnaaksturs í umferðinni . Fyrstu fjóra mánuði þessa árs slösuðust 47 einstaklingar í umferðarslysum vegna fíkniefnaaksturs sem er mikil fjölgun við sama tímabil á síðasta ári. Fjölgunin nemur um 124% en á sama tímabili á árinu 2017 slasaðist 21 einstaklingur.

Rétt eins og á Hringveginum jókst umferðin á höfuðborgarsvæðinu í júlí um 2,6 prósent miðað við sama mánuð fyrir ári síðan. Umferðin hefur aukist um þrjú prósent í ár og útlit fyrir að sama aukning verði þegar árið verður gert upp í heild sinni. Þetta kemur fram í tölum frá Vegagerðinni.

Ein mesta ferðahelgi ársins, verslunarmannahelgin er framundan. Gríðarlegur umferðarþungi verður á vegum landsins. Lögð er þung áhersla á að ökumenn gefi sér nægan tíma áður en haldið er út í umferðina.

Umferðin á Hringveginum í nýliðnum júlímánuði jókst um 2,6 prósent sem er minni aukning en verið hefur undanfarin ár. Nú má reikna með að umferðin á Hringveginum í ár aukist um 3 prósent sem er minni aukning en verið hefur.

Notkun snjallsíma undir stýri er slá­andi al­geng sam­kvæmt niður­stöðum nýrrar rannsóknar sem unnin var fyrir Sjóvá. Sam­kvæmt henni nota tæp­lega 70% öku­manna símann ólög­lega undir stýri. Þetta eru vondar niður­stöður og ljóst að um­ferðaröryggi er ógnað með þess­ari þróun.

Ákvörðun Evrópusambandsins vegna breyttra mælinga á útblæstri er áætlað að verð á nýjum bílum gæti hækkað töluvert. Þessi nýi mengunarmælikvarði á að taka gildi um næstu mánaðarmót. Bílgreinasamband Íslands hefur nú þegar þrýst á íslensk stjórnvöld að gera ráðstafanir til að draga úr fyrirhuguðum hækkunum.

Samkeppniseftirlitið hefur heimilað kaup N1 hf. á Festi hf. Samruninn er háður skilyrðum sem Samkeppniseftirlitið og samrunaaðilar hafa gert sátt um. Með skilyrðunum skuldbinda samrunaaðilar sig til aðgerða sem miða að því að efla og vernda virka samkeppni á eldsneytis- og dagvörumörkuðum og bregðast við þeirri röskun á samkeppni sem samruninn myndi annars leiða til.

Ítalinn Sergio Marchionne, forstjóri Fiat Chrysler, féll frá fyrir helgina en hann var af mörgum talinn í hópi merkustu frumkvöðla sem fram hafa komið í bílaiðnaðinum. Fráfall hans bar að með nokkuð skjótum hætti en fyrir nokkrum vikum gekkst hann undir aðgerð á öxl en heilsu hans hrakaði síðan jafnt þétt. Ýmsir fylgikvillar fylgdu í kjölfarið sem leiddu hann að lokum til dauða. Marchionne var 66 ára að aldri þegar hann lést í borginni Zürich í Sviss.