Fréttir

Stórum áfanga í stafvæðingu ökunáms er nú náð með virkjun stafrænnar ökunámsbókar Samgöngustofu. Með þessum áfanga gefst ökukennurum kostur á að staðfesta verklega ökutíma fyrir almenn ökuréttindi með rafrænum hætti í gegnum Ísland.is að því er fram kemur í tilkynningu frá Samgöngustofu.

Tryggingafélögin hafa hækkað iðgjöld sín á bílatryggingum til einstaklinga umfram almennar verðlagshækkanir, bæði lögboðnum og frjálsum. Í umfjöllun Fréttablaðsins segir Runólfur Ólafsson, framkvæmdastjóri íslenskra bifreiðaeigenda, FÍB, hækkanirnar til marks um græðgi og félagið hafi reynt að vekja athygli á þeim fákeppnistilburðum sem virðast vera í gangi á þessum markaði.

Þriðja tölublað FÍB 2022 er komið út og er fjölbreytt að vanda. Stendur dreifing yfir þessa dagana til félagsmanna. Blaðið er að venju stútfullt af fréttum, fræðandi og spennandi efni. Veigamikill hluti blaðsins er helgað 90 ára afmæli FÍB.

Smart#1, sem kemur úr hönnunarsmiðju Mercedes Benz, var kynntur til leiks fyrr á árinu og er áætlaður á götuna á meginlandi Evrópu í byrjun árs 2023. Nýlega fór bíllinn í gegnum öryggisprófanir fyrir Evrópumarkað af evrópsku öryggisstofnunarinnar,Euro NCAP, og hlaut fimm stjörnur hvað öryggi varðar.

Brimborg hefur sótt um heimild til byggingarfulltrúans í Reykjanesbæ að reisa háhraða rafhleðslustöð við Flugvelli 8 í Reykjanesbæ fyrir allar gerðir rafknúinna ökutækja. Um er að ræða háhraða stöð af nýrri og stærri gerð en áður hefur sést á Íslandi.

Hámarkshraði verður lækkaður um alla Reykjavík á næsta ári í annaðhvort 30 eða 40 km/klst á götum þar sem hámarkshraði var áður 50 km/klst. Þetta verður gert í þriðja og fjórða áfanga á innleiðinguáhámarkshraðaáætlun borgarinnar sem samþykkt var í apríl 2021.

Umferðin í nóvember á höfuðborgarsvæðinu jókst um nærri fimm prósent sem leiddi til þess að met var slegið að því er fram kemur í tölum frá Vegarðinni. Umfeðrin hefur aldrei verið meiri í nóvember en ekki er útlit samt fyrir að met verði slegið í ár en umferðin verður líklegast rétt undir því sem hún var árið 2019 þegar allt 2022 verður gert upp.

Vesturlandsvegur (1) í gegnum Mosfellsbæ var vígður formlega í gær eftir endurbætur og breikkun. Með framkvæmdinni stóreykst umferðaröryggi í gegnum bæinn. Vígðir voru tveir áfangar, tæpir 2 kílómetrar frá Skarhólabraut að Reykjavegi, en framkvæmdirnar eru hluti af verkefnum Samgöngusáttmála ríkisins og sex sveitarfélaga á höfuðborgarsvæðinu sem gerður var í september 2019.

Fjármála- og efnahagsráðherra lagði á dögunum fram frumvarp um breytingu á ýmsum lögum um skatta og gjöld, þar á meðal skattaívilnanir á rafmagns- og vetnisbifreiðar. Í ákvæði til bráðabirgða í lögum um virðisaukaskatt er kveðið á um sérstaka virðisaukaskattsívilnun vegna innflutnings og skattskyldrar sölu m.a. á rafmagns- og vetnisbifreiðum. Umræðan um frumvarpið fer fram þessa dagana á alþingi. Ef frumvarp um fjáraukalög fær að standa óbreytt munu nýir bílar sem menga meira kosta minna um áramót, en umhverfisvænni bílar hækka í verði.

Kia var valinn Framleiðandi ársins 2022 á TopGear.com verðlaunahátíðinni og lýkur bílaframleiðandinn þannig árinu á sannkölluðum hápunkti. Þetta er annað árið í röð sem Kia fer með sigur af hólmi á TopGear.com verðlaununum, en í fyrra var EV6 hlutskarpastur í sínum flokki.