Fréttir

Samgönguminjasafnið í Stóragerði í Skagafirði er sannarlega þess virði að það sé heimsótt. Það er einkaframtak Gunnars Kr. Þórðarsonar bifvélavirkja og Sólveigar Jónasdóttur kennara og fjölskyldu. Þau hafa safnað saman – ekki bara gömlum bílum, heldur líka dráttarvélum og öðrum vélknúnum farartækjum og gert sum þeirra ný í annað sinn af einstakri fagmennsku og vandvirkni.

Verð hlutabréfa í Fiat Chrysler Automobiles féll sl. föstudag um 1,8% eftir að ráðamenn Fiat neituðu á síðustu stundu að mæta á fund með þýskum yfirvöldum sl. fimmtudag um falsbúnað sem fundist hefur í Fiatbílum. Verð hluta í öðrum evrópskum bílaframleiðslufyrirtækjum stóð í stað á sama tíma.

Þýsk yfirvöld hafa undanfarið boðað bílaframleiðendur til fundar við sig um útblástur og eyðslu bíla í kjölfar niðurstaðna rannsókna sem hafa sýnt að bæði mengunar-og eyðslutölur sem liggja til grundvallar gerðarviðurkenningu mikils fjölda bíla eru of lágar og þar með rangar.

Volvo kynnti í gær í höfuðstövum sínum í Gautaborg frumgerðir tveggja nýrra bíla. Báðir verða þeir af svonefndri 40-línu Volvo og hvað stærðina varðar eru þeir af minni meðalstærð svonefndra Premium-bíla.

Bíla- og tækniblaðamaður að nafni Ashlee Vance hefur gefið út bók um þekktasta frumkvöðul heims þessi árin, Elon Musk, eiganda Tesla Motors og SpaceX geimferðafyrirtækisins. Lítið sem ekkert er fjallað um Tesla rafbíla og geimför en þess meira um persónu frumkvöðulsins, kosti hans og líka skuggahliðarnar.

Alþjóðadeild Euro NCAP stofnunarinnar; Global NCAP,.hefur árekstrarprófað nýja bíla sem ætlaðir eru indverskum bílamarkaði. Útkoman er einfaldlega hræðileg. Staðalútgáfur allra nýju bílanna hlutu enga einustu stjörnu.

Volvo varð lang fyrstur bílaframleiðenda til þess að huga að öryggi barna í bílunum og hefja öryggisprófanir á barnabílstólum. Þetta var árið 1960. Nú 56 árum síðar er Volvo að setja á markað þrjár alveg nýjar gerðir barnabílstóla. Við gerð þeirra var hugað sérstaklega að hönnuninni og að þeir væru tæknilega þaulhugsaðir og sem allra þægilegastir.

Franska bílasamsteypan PSA (Peugeot-Citroen-DS) og samstarfsaðili þeirra í Kína; Dongfeng, vinna sameiginlega að hönnun, þróun og framleiðslu margra gerða og stærða rafmagnsbíla. Fyrsti sameiginlegi rafbíllinn er væntanlegur á markað 2019.

Stjórn Nissan Motor Co hefur samþykkt að kaupa 34 prósenta hlut í Mitsubishi Motors Corp fyrir 2,2 milljarða dollara. Með þessu fær Nissan ráðandi stöðu í Mitsubishi. Reuters fréttastofan greinir frá þessu.

Hið háleita meginmarkmið MaaS er að færa almenningi áður óþekkt frelsi til hreyfanleika (Mobility) hvenær sólarhringsins sem er og á þann hátt sem best hentar hverju sinni. Ekki aðeins á MaaS að skila meðlimum sínum frá einum stað til annars heldur líka stórbæta samgöngumöguleika og hreyfanleika þeirra og stytta ferðatíma verulega, óháð því hvaða samgöngutæki þeir hafa reitt sig mest á hingað til.