Fréttir

Atlantsolía fór fyrir verðlækkun á eldsneyti í gær þegar félagið lækkaði verð á bæði bensíni og dísilolíu um 5 krónur á lítra. Eftir verðbreytinguna algengasta verð á bensínlítra hjá Atlantsolíu 216,90 krónur og 211,90 krónur fyrir dísilolíulítra. Ódýrast er að versla hjá Atlantsolíu við Kaplakrika og Sprengisand en þar fór bensínlítrinn í 188,80 krónur og dísillítrinn í 188,40 krónur.

Ef breyt­ing­ar­til­lög­ur efna­hags- og viðskipta­nefnd­ar Alþing­is við stjórn­ar­f­um­varp um aðgerðapakka til að mæta efna­hags­leg­um áhrif­um í kjöl­far heims­far­ald­urs kór­ónu­veiru nær fram að ganga mun endurgreiðsla á virðis­auka­skatti ekki aðeins ná til fram­kvæmda við íbúðir og sum­ar­hús held­ur einnig til bílaviðgerða. Í umfjöllun í Morgunblaðinu um málið er haft eftir Óla Birni Kárasyni, formanni nefndarinnar, að þetta sé skref í rétta átt

Umferðin þar sem af er mars, í lok viku 13, hefur umferðin í mánuðinum á höfuðborgarsvæðinu dregist saman um 21 prósent. Það jafngildir 0,7 prósenta samdrætti dag hvern. Samdrátturinn heldur því áfram að aukast eftir því sem samkomubann er hert og það lengist í því. Samdrátturinn í samfélaginu í heild endurspeglast í umferðinni.

Drög að breytingum á reglugerð um skráningu ökutækja og drög að nýrri reglugerð um skoðun ökutækja hafa verið birt í samráðsgátt stjórnvalda til umsagnar. Allir hafa tækifæri til að senda inn umsögn eða ábendingar en frestur til að skila umsögn er til og með 13. apríl nk.

Kórónafaraldurinn hefur í för með sér mikinn efnahagslegan samdrátt sem ekki sér fyrir endann á. Eldsneytisverð til íslenskra neytenda hefur lækkað töluvert undanfarið en mun minna en á flestum öðrum mörkuðum.

Það sem af er mars hefur umferðin á Hringveginum dregist saman um 20-25 prósent. Allt upp í 42 prósent þar sem mest er. Fram kemur hjá Vegagerðinni að um ræði samdrátt sem skýrist auðvitað að mestu af Covid-19 og snarfækkun ferðamanna en telja verður líka líklegt að slæmt veður undanfarnar vikur spili líka inn í. Þannig leggst allt á eitt. Þetta er mun meiri samdráttur en á höfuðborgarsvæðinu eða um tvöfalt meiri.

Álagningu vanrækslugjalds þann 1. apríl vegna skoðunar ökutækja verður frestað um einn mánuð til 1. maí vegna COVID-19 faraldursins. Samgöngu- og sveitarstjórnarráðherra hefur staðfest ákvörðunina með reglugerð sem birt verður í Stjórnartíðindum á morgun, 26. mars.

Olíusala dróst saman milli ára og er þetta í fyrsta skipti síðan 2012 sem olíusala minnkar á milli ára samkvæmt bráðabirgðartölum Orkustofnunar. Árið 2018 var metár þegar seld olía fór í fyrsta skipti yfir milljón tonn (1.049 þús. tonn).

Í tilkynningu frá Vegagerðinni kemur að nú sé sá árstími og það tíðarfar sem eykur hættuna á holumyndunum á þjóðvegum. Þegar þíða kemur í kjölfar frosts og kulda eða þegar miklir umhleypingar eru eykst hættan á því að holur myndist í bundnu slitlagi, malbiki og klæðingu. Vegfarendur er því beðnir að sýna sérstaka árvekni og aka ætíð eftir aðstæðum.

Covid-19 faraldurinn hefur víðtæk áhrif sem eru merkjanleg í umferðinni. Hratt dregur úr henni samkvæmt mælingum á þremur lykilmælisniðum Vegagerðarinnar á höfuðborgarsvæðinu, nú í mars.