Fréttir

Bílasala í Kína hefur verið á niðurleið samfleytt í18 mánuði í röð eftir því sem fram kemur í tölum frá samtökum í bílaiðnaði þar í landi. Bílasala í Kína var 8,2% minni 2019 en árið þar á undan.

Stórbruni varð í bílastæðahúsi við Stafangerflugvöll í vikunni. Mildi þykir að enginn hafi skaðaðast í brunanum. Áætlað er að 200 til 300 bílar hafi eyðilagst og óljóst hvort bílastæðahúsið sé viðgerðarhæft. Í fyrstu fréttum var talið að kviknað hefði í út frá rafbíl. Mikil umræða skapaðist í kjölfarið um eldhættu af rafbílum.

Eldsneytisverð er töluvert lægra á höfuðborgarsvæðinu en úti á landsbyggðinni. Lægst er verðið í Costco en til að fá að versla þar eldsneyti þarf að vera meðlimur í Costco-keðjunni. Ódýrast er eldsneyti á bensínstöðvum sem næst eru Costco í Garðabæ. Þetta er þess sem meðal annars kom fram í viðtali við Runólf Ólafsson, framkvæmdastjóra Félags íslenskra bifreiðaeigenda, FÍB, í síðdegisútvarpinu á Rás 2.

Mörg hundruð bílar eyðilögðust í stórbruna í fimm hæða bílastæðishúsi við flugvöllinn í Stavanger í Noregi í gær. Á vef norska blaðsins Dagbladet kemur fram að tjónið nemi hundruðum milljóna norskra króna.

Neytendastofu hefur borist tilkynning frá Bílaumboðinu Öskju ehf um að innkalla þurfi 77 KIA Sorento bifreiðar af árgerð 2019 og 2020. Ástæða innköllunarinnar er að möguleiki er á að hugbúnaðarvilla í MFE myndavél (Muliti Function Camera) gæti valdið truflunum í öryggisbúnaði bílsins

Rafbílar njóta aukinna vinsælda í Asíu, sérstaklega þó í Kína, og á sama tíma hefur salan í Bandaríkjunum aukist til muna. Í Evrópu hafa Norðmenn verið í fararbroddi hvað rafbíla snertir og benti fátt til breytinga í þeim efnum. Allt síðasta ár tók salan í Þýskalandi mikinn kipp og miðið við sölutölur seldust fleiri rafbílar í Þýskalandi en í Noregi.

Á síðasta ári voru 5.119 bílaleigubílar nýskráðir hér á landi, 27,3% færri en 2018 þegar þeir voru 7.039. Hins vegar nýskráðu leigurnar 106% fleiri bíla í síðasta mánuði ársins eða alls 268 í stað 130 á árinu 2018. Þriðja árið í röð var Dacia Duster vinsælastur á bílaleigunum.

Það er dýrt að þróa og framleiða nýtnari brunahreyfla í bíla. Til þess að mæta því hafa bílaframleiðendur aukið samstarf sín á milli um vélaframleiðslu. Innan fárra ára gætu sömu vélar knúið Volvo og Mercedes Benz bíla.

Kristinn Hauksson, rafeindatæknifræðingur, fjallar á vefsíðu Eflu um fjarskiptakerfi á landinu öllu. Greinin er rituð í kjölfar víðtæks fjarskiptaleysis sem varð eftir mikið óveður og ísingu í byrjun desember 2019. Kristinn telur að byggt hafi verið upp afar öflugt öryggis- og fjarskiptakerfi á hluta vegakerfisins, sér í lagi í jarðgöngum. Hins vegar hafi ekki tekist að byggja upp öflugt kerfi á öðrum stöðum landsins og mikilvægt sé að gera átak í þeim málum.

Íslenskt hugvit kom sterklega við sögu við hönnun gulu vegstikanna sem vísa vegfarendum leiðina á þjóðvegum landsins. Stikurnar eru framleiddar á Íslandi, eru endurnýttar eins oft og hægt er og síðan sendar í endurvinnslu. Þetta kemur fram á heimasíðu Vegagerðarinnar.