Fréttir

Eins og borgarbúar urðu varir við var stillt og þurrt veður á höfuðborgarsvæðinu í febrúar, mars og það sem af er apríl og mæltist styrkur svifryks og köfnunarefnisdíoxíðs hár auk þess sem há gildi komu fram í mælingum á styrk brennisteinsvetnis. Undir kringumstæðum sem þessum er brýnt að þeir sem eru viðkvæmir í öndunarfærunum forðist útivist í nágrenni stórra umferðaæða.

Sam­göngu- og sveit­ar­stjórn­ar­ráðherra hef­ur skrifað und­ir nýja reglu­gerð um sekt­ir og önn­ur viður­lög fyr­ir um­ferðarlaga­brot sem tek­ur gildi 1. maí. Sektir fyrir umferðarlagabrot hafa margar hverjar verið óbreyttar í rúman áratug og mörgum þótt þær of lágar og hafa lítinn fælingarmátt.

Norðfjarðagöng voru formlega tekin í notkun 11. nóvember í fyrra. Mikil eftirvænting ríkti við opnun ganganna enda um að ræða gríðarlega samgöngubót fyrir alla Austfirðinga, ekki síst þá sem þurfa að sækja þjónustu á umdæmissjúkrahús Austurlands í Neskaupstað.

Rafmagnsbílar verða æ vinsælli ef tekið er mið af eftirspurninni víða um heim. Eins og áður hefur komið fram er gríðarleg eftirspurn eftir þessum bílum í Kína og víðar í Asíu. Þar um slóðir hefur salan aldrei verið meiri og víða í Evrópu er sömu sögu að segja.

Kia vann til þriggja Red Dot verðlauna á dögunum fyrir bíla sína Stinger, Stonic og Picanto. Þessir þrír nýju bílar frá Kia unnu allir sína flokka auk þess sem Stinger vann flokkinn ,,Best of the Best" hjá Red Dot sem þykir sérlega eftirsóknarvert.

Fimmta kynslóð hins þaulreynda Land Rover Discovery lenti nýverið á Íslandi. Hornrétt og ferköntuð hönnun fyrri kynslóða víkur fyrir ávalari, flæðandi línum. Þá er andlitsfalli hinna afurða Land Rover framleiðandans splæst saman við nýja bílinn.

Félag íslenskra bifreiðaeigenda, FÍB, sendi bréf út til allra íslensku olíufélaganna í febrúar sl. þar sem óskað var eftir tilboðum um sérkjör af eldsneyti og rekstrarvörum bifreiða. Þetta erindi var í samræmi við fyrri umleitanir FÍB um bætt kjör fyrir félagsmenn. Tilboð bárust frá öllum olíufélögunum og tók stjórn FÍB afstöðu til þeirra tilboða sem bárust. Niðurstöður urðu þær að ákveðið var að ganga til samstarfs við Atlantsolíu en fyrri samningur var einnig við sama olíufélag.

Það hefur varla farið framhjá borgarbúum að svifryksmengun hefur verið mikil svo dögum skiptir síðustu vikurnar en veðurfarið hefur ýtt undir aukna mengun. Stillt veður hefur verið ríkjandi svo dögum skiptir og vart hefur orðið við aukin styrk svifryks og köfnunarefnisdíoxíðs er hátt.

Það er fátt mikilvægara þegar kemur að viðhaldi bifreiðarinnar að huga vel að lakkinu. Veturinn er senn að baki og er því ekki ráð að taka bílinn vel í gegn fyrir sumarið eftir saltið og krap sem sest hefur á lakkið.

Einn ötulasti baráttumaður landsins fyrir bættu umferðaröryggi, Ólafur Guðmundsson, hefur um árabil annast EuroRAP öryggismat vegakerfisins fyrir FÍB. Þriðja áfanga öryggismatsins er nú lokið og búið að opna almennan aðgang að stjörnugjöf vegakerfisins á vefsíðu EuroRAP. Við þessi tímamót hefur Ólafur ákveðið að láta gott heita og snúa sér að öðrum verkefnum á sviði umferðaröryggismála.