Fréttir

Hyundai Motor seldi nærri 519 þúsund bifreiðar (518.566) á síðasta ári í Evrópu, 0,5% fleiri en 2021. Hlutdeild fyrirtækisins á markaðnum nam 4,6 prósentum og hefur aldrei verið meiri en nú, sér í lagi á Spáni, Ítalíu, Frakklandi og Bretlandi.

Vatt ehf. mun bráðlega hefja sölu á BYD fólksbílum á Íslandi sem er eitt stærsta rafbílamerki í heiminum. Skrifað var undir samninga þessa efnis á aðalskrifstofu BYD í Shenzen í Kína í byrjun vikunnar. Undir samninginn skrifuðu Frank Dunvold, framkvæmdastjóri RSA, og Michael Shu, framkvæmdastjóri BYD Evrópa. að því er fram kemur í tilkynningu

Innviðaráðherra mælti á Alþingi fyrir helgi fyrir frumvarpi til breytinga á umferðarlögum frá 2019 (nr. 77/2019). Í frumvarpinu er m.a. tillögur um smáfarartæki og öryggi þeirra, virðisaukaívilnun vegna reiðhjóla, heimild ríkisaðila til að setja reglur um notkun og gjaldtöku á stöðureitum í sinni eigu og loks innleiðingu á Evrópureglum.

Kia er í efsta sæti þriðja árið í röð í árlegri áreiðanleikakönnun bandaríska greiningarfyrirtækisins J.D. Power í flokki fjöldaframleiddra bíla. Lexus varð í efsta sæti í flokki lúxusmerkja. Þrír bílar Kia, Sportage, Optima og Forte eru áreiðanlegustu bílar í sínum flokkum í könnnuninni.

Verkfall hjá yfir 70 flutningabílstjórum sem eru í Eflingu – stéttarfélagi og starfa hjá Olíudreifingu, Samskipum og Skeljungi hefst á hádegi á miðvikudag, 15. febrúar, hafi samningar ekki náðst fyrir þann tíma. Talið er að áhrifanna af aðgerðunum muni gæta fljótt. Ef fólk fer að hamstra elds­neyti gæti það þó gerst fyrr. Þá muni það taka marga daga fyrir birgða­stöðu bensín­stöðvanna að komast í eðli­legt horf aftur ef þær tæmast.

Franska fyr­ir­tækið Qair hef­ur keypt 50% hlut Ork­unn­ar í Íslenska vetn­is­fé­lag­inu. Hug­mynd­in er að byggja upp vetn­is­stöðvar hring­in í kring­um Ísland. Íslenska vetn­is­fé­lagið er dótt­ur­fé­lag Ork­unn­ar. Vetn­is­fram­leiðsla mun fara fram á Grund­ar­tanga. Þetta kem­ur fram í til­kynn­ingu frá Ork­unni.

Samkvæmt Hagstofunni voru útgjöld ríkissjóðs til vegasamgangna rúmlega 52 milljarðar króna árið 2021 (tölur fyrir 2022 ekki komnar). Útgjöld Vegagerðarinnar til vegasamgnanga árið 2021 voru hins vegar tæpir 42 milljarðar króna. Þarna munar 10 milljörðum og full ástæða til að leita skýringa á þessu misræmi.

Bæjarstjóri Kópavogs vill endurmeta áætlanir um kostnað við bættar samgöngur á höfuðborgarsvæðinu. Framkvæmdaráætlun samgöngusáttmála ríkisins og sveitarfélaga á höfuðborgarsvæðinu sé þegar kominn 50 milljarða fram úr áætlun þótt framkvæmdir sé vart hafnar.

Mohammed Ben Sulayem, forseti alþjóða akstursíþróttasambandsins, FIA, hefur tilkynnt að hann muni draga úr daglegum afskiptum sínum í Formúlu 1 kappakstrinum. Ástæða þessa eru sagðar vera erfið samskipti Sulayem síðustu mánuði við eigendur Formúlu 1.

Það sem af er árinu eru nýskráningar nýrra fólksbifreiða alls 794. Á sama tímabili í fyrra voru þær 1.081 svo samdrátturinn er um 35%. Nýskráningar til almennra notkunar voru tæp 73% og 27% til bíaleiga. Þetta kemur fram í tölum frá Bílgreinasambandinu.