Fréttir

Að því fram kemur í tölum frá Bílgreinasambandinu fara vinsældir nýorkubíla vaxandi hér á landi. Hlutdeild tengiltvinnbíla er stærstur í nýskráningum fólksbíla og rafbílar koma þar næstir á eftir. Það sem af er árinu hafa fleiri nýorkubílar verið skráðir hér á landi en bílar sem ganga fyrir bensíni og dísilolíu. Mikil hugarfarsbreyting í þessum málum hefur átt sér stað á meðal almennings og þá hafa stjórnvöld lét á gjöldum og álögum hjá þeim sem hyggja kaup á nýorkubílum.

Nýjar vefþjónustur um nýskráningu ökutækja sem hafa verið í þróun eru nú tilbúnar til notkunar hjá Samgöngustofu og gefst öllum bílaumboðum kostur á að tengjast þeim.

Orka náttúrunnar mun opna á ný 156 Hverfahleðslur sem staðsettar eru víða um borg eftir að Héraðsdómur Reykjavíkur felldi úr gildi úrskurð kærunefndar útboðsmála fyrir stundu.

Árlegur alþjóðlegur minningardagur um fórnarlömb umferðarslysa var haldinn í gær sunnudaginn 21. nóvember. Hér á landi var kastljósinu sérstaklega beint að alvarlegum afleiðingum þess að nota ekki öryggisbelti. Táknrænar minningarstundir fóru fram víða um land.

Á hluthafafundi Sjóvár þann 19. október síðastliðinn var samþykkt að greiða hluthöfum félagsins 2,5 milljarða króna til að „laga fjármagnsskipan félagsins“ eins og segir í fundargerðinni. Á mæltu máli þýðir þetta að Sjóvá hafði safnað mun meiri fjármunum í sjóði sína en þurfti til að standa undir tryggingastarfseminni.

Dælan kom fram á sjónarsviðið í júní 2016, þegar N1 stofnaði nýtt vörumerki fyrir þrjár af sjálfsafgreiðslu eldsneytisstöðvum sínum á höfuðborgarsvæðinu. Þessar stöðvar seldu eldsneyti sem keppti við verðlagningu þáverandi Orkan X stöðva. Orkan X var undirmerki Orkunnar sem er vörumerki í eigu Skeljungs. Orkan X stöðvarnar voru afsláttarlausar og buðu oftast lægsta eldsneytisverðið á markaðnum jafnvel þó tekið væri tillit til afslátta annarra stöðva.

Samkeppniseftirlitið hefur sett upp sérstaka upplýsingasíðu um samkeppnisreglur fyrir hagsmunasamtök atvinnugreina. Á vefsíðunni segir að tilgangur hennar sé að koma í veg fyrir að starf hagsmunasamtaka fyrirtækja skaði samkeppni.

Samkeppniseftirlitið hefur hugsanlegt brot Samtaka fjármálafyrirtækja (SFF) á samkeppnislögum til meðferðar. Nánar er fjallað um málið í nýjasta hefti FÍB blaðsins. Allt bendir til að SFF hafi brotið freklega gegn sátt við Samkeppniseftirlitið um að taka ekki þátt í opinberri umræðu um verðlagningu tryggingafélaganna eða gagnrýni á gjaldtöku þeirra. Framkvæmdastjóri SFF birti grein á Vísi þar sem hún réttlætti hækkun iðgjalda og andmælti gagnrýni FÍB á gjaldtökuna.

Í nýútkomnu FÍB blaði er fjallað um hvernig Samkeppniseftirlitið geti beitt afli sínu til að afhjúpa þá leynd sem hvílir yfir iðgjaldaákvörðunum tryggingafélaganna. Staðreyndin er sú að engin leið er fyrir FÍB eða almenning að gera einfaldan verðsamanburð á iðgjöldum bílatrygginga. Tryggingafélögin gera aðeins tilboð til einstaklinga og fyrirtækja.

Í reglum Seðlabankans fyrir tryggingafélög og önnur fjármálafyrirtækjum eru ákvæði um eðlilega og heilbrigða viðskiptahætti. Reglunum er meðal annars ætlað að efla traust og trúverðugleika á fjármálamarkaði. Ætla mætti að fjármálaeftirlit Seðlabankans hefði áhyggjur af því hvernig iðgjaldaokur tryggingafélaganna rýrir þetta traust og þennan trúverðugleika.