Fréttir

Umferðin á Hringveginum árið 2020 dróst saman um 13,6 prósent miðað við árið 2019, þetta er langmesti samdráttur sem mælst hefur. Hann er tveimur og hálfu sinnum stærri en sá sem mældist á milli áranna 2010 og 2011. Umferðin í desember dróst saman um 7,3 prósent. Þetta kemur fram í tölum frá Vegagerðinni.

Bílasala almennt um allan heim átti undir högg að sækja á nýliðnu ári og er kórónaveirufaraldrinum þar aðallega kennt um. Norðmenn geta aftur á móti verið sáttir við niðurstöðu ársins hvað nýskráningar varðar. Þar í landi seldust alls 141.412 nýir bílar og er það innan við þúsund bílum minna en á árinu 2019 sem var metár.

Eftir samningaviðræður, sem staðið hafa yfir í nokkra mánuði, ákváðu á endanum bílaframleiðendurnir Fiat Chrysler og Peugeot að sameina fyrirtækin tvö. Megin ástæðan fyrir samrunanum er að koma nýja fyrirtækinu inn á rétta braut sem var í raun nauðsynlegt til að standast samkeppni og lifa af þær tæknibreytingar sem heimsfaraldurinn á ekki hvað síst þátt í.

ON hefur tilkynnt breytingar á verðskrá hraðhleðslunets fyrirtækisins. Hætt verður að innheimta mínútugjald á 50kW og 150kW hraðhleðslustöðvum ON og aðeins verður greitt fyrir kWst. Síðar á árinu 2021 verður svo sett tafagjald á bíla sem eru enn tengdir við hraðhleðslustöð eftir að hleðslu er lokið. Áfram verður innheimt lágt tímagjald á 22kW hleðslum, eða 0,5 kr á mín.

Þótt samdrátturinn í umferðinni á höfuðborgarsvæðinu í desember hafi verið mun minni en mánuðina á undan þá er samdráttur ársins 2020 fjórfalt meiri en áður hefur mælst. Umferðin í desember var tæplega átta prósentum minni en í sama mánuði í fyrra. Umferðin allt árið dróst saman um ríflega 10 prósent sem er fjórfalt fyrra met sem var á milli áranna 2008 og 2009 að því fram kemur í tölum frá Vegagerðinni.

Nú liggur fyrir sala á bifreiðum fyrir árið 2020. Nýskráningar voru alls 9.369 og nemur samdrátturinn um 20% í samaborið við tölur frá árinu áður. Árið 2019 voru nýkráningar alls 11.728.

Reykjavíkurborg og Orkuveita Reykjavíkur hafa styrkt 31 húsfélag við uppsetningu hleðslubúnaðar fyrir rafbíla.Samtals hafa 31 húsfélag í Reykjavík fengið samþykktan styrk til uppsetningar hleðslubúnaðar fyrir rafbíla. Þar undir er 1.141 íbúð sem fær aðgang að hleðslubúnaði en samtals nemur styrkupphæðin 42,7 milljónum en fyrsta styrk var úthlutað í september 2019 eins og fram kemur í tilkynningu.

Umferðin í viku 52 á höfuðborgarsvæðinu reyndist ríflega 18 prósentum minni en umferðin í viku 51, vikuumferðin var þó töluvert meiri en í sömu viku í fyrra. En séu jóladagarnir sjálfir bornir saman kemur í ljós að sú umferð er 5,5 prósentum minni í ár, en miðað við reglur um sóttvarnir hefði eigi að síður mátt búast við meiri mun á milli áranna að því fram kemur í tölum frá Vegagerðinni.

Þjónusta Vegagerðarinnar um hátíðirnar verður með nokkuð hefðbundnu sniði. Nánari upplýsingar um vetrarþjónustu um jól og áramót má finna hér. Á aðfangadag og gamlársdag verður umferðarþjónustan í síma 1777 opin frá klukkan 6.30 til 22. Starfsmenn vaktstöðva verða hins vegar á vakt allan sólarhringinn.

Mercedes-Benz ætlar sér að vera leiðandi í þróun rafbíla á heimsvísu og hefur þýski bílaframleðandinn nú tilkynnt áætlanir að kynna 8 nýja rafbíla fyrir árslok 2022. Þessi hröðun er hluti af áætlun Mercedes-Benz sem Ambition 2039 og miðar að því að rafbílar verði 50% af seldum bílum árið 2030 og árið 2039 verða allir bílar kolefnislausir. Hinu nýju rafbílar munu allir bera EQ nafnið sem er nýtt undirmerki Mercedes tileinkað raf- og tengiltvinnbílum.