Fréttir

Sænski bílaframeiðandinn Volvo hefur ákveðið að fara í 700 milljóna sænskra króna fjárfestingu og hefja smíði á eigin rafmótorum. Nýju rafmótorarnir verða smíðaðir í verksmiðju fyrirtækisins í bænum Skövde og er markmiðið að framleiðslan verði kominn í fullan gang eftir fjögur ár. Hönnun og þróun fer fram í Gautaborg og Sjanghæ í Kína.

Neytendastofu hefur borist tilkynning frá Toyota á Íslandi ehf um að innkalla þurfi 149 Toyota Hilux bifreiðar af árgerð 2018-2019. Ástæða innköllunarinnar er að möguleiki er á að bremskukerfi bifreiðanna virki ekki sem skyldi.

Neytendastofa hefur birt nýjar reglur um verðmerkingar og verðsamanburð á orkugjöfum fyrir bifreiðar. Reglurnar koma í stað eldri reglna um verðmerkingar á eldsneyti fyrir bifreiðar. Auk þess sem þær innleiða tilskipun 2014/94/ESB og reglugerð (ESB) 2018/732 þar sem fjallað er um verðsamanburð og merkingar að því fram kemur í tilkynningu frá Neytendastofu.

Nýr Kia Sorento hefur verið valinn Bíll ársins 2021 hjá breska bílafjölmiðlinum Carbuyer. Sorento fékk tvöfalda viðurkenningu því hann vann einnig flokkinn Besti stóri fjölskyldubíllinn hjá Carbuyer.

S-kóreski bílaframleiðandinn Kia hefur orðið að grípa til þess ráðs að innkalla um 295 þúsund bifreiðar í Bandaríkjunum en komið hefur í ljós galli sem veldur eldhættu í vélarrými bílanna að sögn bandarísku umferðaröryggisstofnunarinnar.

Orka náttúrunnar hefur uppfært hraðhleðslustöð sína í Varmahlíð í nýjustu kynslóð hraðhleðslustöðva. Nýja stöðin mun geta boðið allt að 150 kW hleðslu og getur þjónað tveimur bílum í einu sem deila þá aflinu að hámarki 75kW á hvort tengi, en það fer eftir hleðslugetu bílsins.

Umferðin í viku 49 á höfuðborgarsvæðinu var aðeins meiri en í viku 48 en eigi að síður 16 prósentum minni en í sömu viku fyrir ári síðan. Svo virðist sem umferðin sé hægt og bítandi að aukast og ljóst að reglur um sóttvarnir hafa ekki sömu áhrif á umferðina núna og reyndin varð í vor. Eigi að síður mælist gríðarmikill samdráttur eftir því sem fram kemur í tölum frá Vegagerðinni.

Næstum helmingur af 9.000 brúm á hraðbrautum Englands og í A-vegakerfinu eru í lélegu eða mjög lélegu ástandi samkvæmt gögnum sem enska samgöngumálastofnunin birti á dögunum. Í rannsóknum sem fram hafa farið kemur í ljós af 9.000 brúm eru 3.836 sem standast ekki ýtrustu öryggiskröfur.

Fimmtán nýir rafmagnsbílar voru teknir í notkun hjá umhverfis- og skipulagssviði nú í byrjun desember og er það hluti af Grænum skrefum í rekstri borgarinnar. Hjalti J. Guðmundsson, sem leiðir starf skrifstofu reksturs og umhirðu borgarlandsins, var að vonum ánægður með tímamótin. „Við erum að taka risastórt skref og við eigum eftir að taka fleiri,“ segir Hjalti.

Breska bílamerkið MINI hyggst auka úrval raf- og tengiltvinnbíla á næstu misserum og árum auk þess sem leggja á aukna áherslu á markaði Kína með bílaframleiðslu þar í samvinnu við þarlent fyrirtæki að sögn Bernds Körber, yfirmanns hjá MINI.