Fréttir

Breska fyrirtækið Gridserve, sem er frumkvöðull að sjálfbærum orkulausnum, tók í notkun fyrir skemmstu nýja hleðslustöð í Essex sem er merkileg fyrir margra hlutasakir. Þessi stöð er reyndar ekki sú fyrsta en hún er ein af 100 slíkum stöðvum sem Gridserve hefur verið að skipuleggja. Vonast forsvarsmenn fyrirtækisins eftir því að með þessari útvíkkun í þjónustunni eigi viðskiptavinum eftir að fjölga til muna næstu misserum.

Þegar tvær vikur eru eftir af þessu ári eru nýskráningar fólksbifreiða komnar yfir níu þúsund talsins. Fram til 19. desember eru nýskráningar alls 9.044 talsins. Miðað við sama tímabil í fyrra nemur samdrátturinn um 22%. Þetta kemur fram í tölum frá Bílgreinasambandinu.

Mörgum einstaklingum voru veittar viðurkenningar fyrir árangur og störf á aðalfundi FIA sem fram fór í fjarfundabúnaði í Genf í Sviss í síðustu viku. Fram kom að árið sem nú rennur brátt sitt enda sitt á skeið sé fordæmalaust með. Fjölmörgum atburðum hefur orðið að fresta en með frábærri útsjónarsemi og skipulagningu og nýjustu tækni hefði tekist að halda Formulu 1 og ljúka henni svo sómi var að. Heimsfaraldurinn Covid-19 hefði sett strik í reikninginn á nokkrum sviðum en allir hefðu lagst á eitt og gert það besta úr stöðunni.

Það er ekki bara hér á landi sem tjörublæðingar eiga sér stað þessa dagana. Eins og kunnugt urðu fólks- og flutningabílar fyrir skemmdum á þjóðveginum til Akureyrar í síðustu viku en blætt hafði mikið á þessum vegakafla. Vegklæðning safnaðist saman í hjólskálum bílanna og við það brotnuðu stuðara bílanna hjá einhverjum ökumönnum. Bílstjórar hafa margir tilkynnt tjón á bílum til Vegagerðinnar. Ljóst er að um milljóna tjón er að ræða þegar allt er takið saman.

Umferðin í liðinni viku á höfuðborgarsvæðinu jókst nokkuð frá vikunni áður eða um átta prósent en var eigi að síður meira en 11 prósentum minni en í sömu viku í fyrra. Ljóst er að umferð er heldur að aukast en reyndar jókst umferðin í þessari viku fyrir jól mikið í fyrra. Hún jókst minna í ár en þá. Veðurfar hefur alla jafna nokkur áhrif á þessum árstíma sem gerir samanburð erfiðan. Þetta kemur fram í tölum frá Vegagerðinni.

Alþjóða akst­ursíþrótta­sam­bands­ins ( FIA) kynnti í vikunni að það hyggðist fara að nota sjálfbært eldsneyti til notkunar í Formula 1. FIA heitir því ennfremur að kolefnisjafna allar keppnir á þeirra vegum frá 2021 og útrýma henni með öllu fyrir 2030. Þetta kom fram á aðalfundi FIA sem nú stendur yfir í Sviss.

Eftirlitsmenn Vegagerðarinnar hafa lítið orðið varir við bikblæðingar á Hringveginum á milli Borgarness og Akureyrar og því ekki ástæða til að letja fólk til ferðalaga þess vegna. Vegfarendur eru eigi að síður beðnir um að fara varlega og hafa varann á sér, leita upplýsinga á heimsíðu Vegagerðarinnar, á Twitter eða í síma 1777. Ástandið gæti breyst.

Bílaframleiðandinn MG breytir ábyrgðarskilmálum sínum fyrir nýja og núverandi viðskiptavini á meginlandi Evrópu. Frá og með 1. janúar 2021 mun stöðluð sjö ára ábyrgð/150.000 km framleiðsluábyrgð fylgja rafbílnum.

Alþingi hefur ákveðið að fresta fyrirhugaðri niðurfellingu ívilnunar sem tengiltvinnbílar hafa notið í formi lækkaðs virðisaukaskatts, samkvæmt heimildum Morgunblaðsins í dag. Ívilnunin er að hámarki að fjórum milljónum króna af bílverði og getur því numið að hámarki 960 þúsund krónum.

Svokölluð ,,sítrónulög“ í Bandaríkjunum eru ákvæði til að auka rétt neytenda ef upp kemur galli sem ekki er að hægt að gera við innan ákveðins tímaramma. Ef hins vegar framleiðandi ökutækisins stenst ekki umræddan tímaramma er hann skyldugur að kaupa hann til baka og bíllinn fær titilinn ,,lemon law“. Fyrir vikið fellur hann í verði á endursölumarkaði. Þetta var meðal þess sem kom fram í umfjöllun um málið í þættinum Reykjavík síðdegis á Bylgjunni en þar var Runólfur Ólafsson, framkvæmdastjóri FÍB, sem upplýsti hlustendur um þetta tiltekta mál.