Fréttir

Fjórar nýar brýr á Hringveginum sunnan Vantajökuls voru opnaður með formlegum hætti fyrir helgina. Þetta eru brýr yfir Steinavötn, Fellsá, Kvíá og Brunná en með tilkomu þeirra leggjast af fjórar einbreiðar brýr á Hringveginum og fækkar úr 36 brúm í 32. Bygging brúanna var boðin út árið 2019 en framkvæmdum lauk í ár.

Neytendastofu hefur borist tilkynning frá Toyota á Íslandi ehf um að innkalla þurfi 284 Toyota bifreiðar af ýmsum gerðum af árgerð 2020 til 2021. Ástæða innköllunarinnar er að möguleiki er á að DCM kerfið virki ekki sem skyldi vegna hugbúnaðarvillu.

FÍB skammaði tryggingafélögin fyrir okur á bílatryggingum í grein hér á Vísi. Katrín Júlíusdóttir framkvæmdastjóri Samtaka fjármálafyrirtækja brást við á sama vettvangi. Hún tók að sér málsvörn fyrir tryggingafélögin fjögur sem sögð eru starfa á samkeppnismarkaði. Því miður halda skýringar hennar litlu vatni og töluverðrar ónákvæmni gætir í tölum sem þar eru settar fram. Að ógleymdu því að hún minnist ekki á fílinn í herberginu.

Opnaður hefur verið nýr og betri bifreiðatöluvefur Samgöngustofu. Með nýjum vef er aðgengi að tölfræði um ökutæki á Íslandi stórbætt og framsetningin býður upp á ýmsa möguleika sem ekki voru áður til staðar. Með nýja vefnum er m.a. fjölmiðlum auðveldað aðgengi að upplýsingum vegna umfjöllunar um ökutæki á Íslandi.

ADAC; systurfélag FÍB í Þýskalandi hefur birt niðurstöður athugunar á hvort og hversu algengt er að skrúfaðir séu niður kílómetrateljarar bíla til að láta líta út fyrir að þeir séu minna eknir en raunin er og gera þá þannig söluvænni og verðmeiri í sölu.

Samkvæmt könnun Maskínu sem unnin var fyrir Reykjavíkurborg 3.- 30. júní í sumar kemur í ljós að 78,7% höfuðborgarbúa ferðast til og frá vinnu á einkabíl. Til samaburðar var einkabíllinn notaður af 71,5% árið 2020 og 2019 nýttu sér 76,9% einkabílinn. Könnunin leiðir ótvírætt í ljós að höfuðborgarbúar kjósa einkabílinn fram yfir aðra kosti.

Ákveðið hefur verið að fella niður ákvæði um að vanrækslugjald skuli hækka um 100% að liðnum tveimur mánuðum frá álagningu þess. Mun þessi hækkun því ekki koma til framkvæmda og hámarksfjárhæð vanrækslugjalds af almennum ökutækjum verða 20.000 kr. en af ökutækjum yfir 3,5 tonn og bílum fyrir 9 farþega eða fleiri 40.000 kr. eins og áður hafði verið ákveðið.

Fiat hefur löngum verið meðal frægustu bílaframleiðenda fyrir hugmyndaauðgi og dirfsku bæði í tæknilegu tilliti en ekki síst hvað varðar hönnun og er viðburðurinn á akstursbrautinni á þaki Fiat bílaverksmiðjunnar í Torino þann 14. april 1954 til vitnis um það:

Þýskir slökkviliðar sem slökkva elda sem upp koma í bílum hafa þessa dagana uppi kröfur á hendur framleiðendum rafbíla að þeir hafi á sínum vegum viðbragðsteymi sérfræðinga sem hægt er að leita til eða kalla út ef eldar kvikna í rafbílum. Þeir krefjast þess ennfremur að aðgangur sé greiður að öllum upplýsingum sem máli skipta og varða eldhættu í rafbílum.

Meðan kóvítið hefur herjað undanfarin ár hafa stóru bílasýningarnar í heiminum legið niðri að mestu leyti, en nú er það að breytast. Stóra evrópska bílasýningin sem haldin var annað hvert ár í Frankfurt í Þýskalandi á móti öðru hverju í París í Frakklandi var opnuð almenningi í morgun (7. sept.). Sýningin er þó að þessu sinni ekki í Frankfurt heldur flutt suður á bóginn til Munchen í Bayern.