Fréttir

Starfshópur um fjármögnun Sundabrautar hefur tekið til starfa. Hópurinn hefur það hlutverk að vera verkefnisstjórn Sundabrautar til ráðgjafar t.a.m. varðandi undirbúning viðskiptaáætlunar, fjármögnunar og útboðsferlis að því er fram kemur á vef stjórnarráðsins.

Umræða um ástand vega í land­inu hef­ur verið há­vær und­an­farið. Runólfur Ólafsson, fram­kvæmda­stjóri Fé­lags ís­lenskra bif­reiðaeig­anda, FÍB, seg­ir fjölda til­kynn­inga hafa borist á borð fé­lags­ins. Veg­irn­ir séu hættu­leg­ir og staðan sé al­var­leg. Þetta kom fram í viðtali við Runólf á mbl.is. Af þessu tilefni slóst hann í för mbl.is um götur á höfuðborgarsvæðinu og kannaði málið.

Nokkur þúsund manns misstu vinnuna í Skellefteå í Norður-Svíþjóð þegar rafhlöðuverksmiðjan Northvolt varð lýst gjaldþrota í gær. Northvolt átti að verða lykilfyrirtæki í sókn evrópskra bílaframleiðenda á rafbílamarkaðnum, risastórt fyrirtæki sem framleiddi rafhlöður fyrir bíla.

Uppsetning á stálvirki fyrir undirstöður nýrrar göngu- og hjólabrúar yfir Sæbraut stendur yfir. Einnig er unnið að samsetningu á brúnni sjálfri, en hún verður síðan hífð upp og sett í heilu lagi á sinn stað. Áætlað er að brúin verði tilbúin fyrir miðjan maí, þ.e. ef veðuraðstæður leyfa.

Borgarráð Reykjavíkur hefur samþykkt að ráðast í endurgerð hraðahindrana í borginni á árinu 2025. Verkefnið verður boðið út í tveimur áföngum og er áætlað að framkvæmdir hefjist í maí og ljúki í september. Þetta kemur fram í tilkynningu frá Reykjavíkurborg.

Þrír hafa látist í umferðarslysum á síðustu dögum og hafa fjórir látist í banaslysum í umferðinni það sem af er þessu ári. Það er afar mikilvægt að við högum akstri eftir aðstæðum hverju sinni.

Princeton háskóli hefur kynnt stóran áfanga í þróun natríumjóna rafhlaðna með nýju bakskautsefni (katóðu). Um er að ræða ódýrari og umhverfisvænni valkost samanborið við hefðbundnar litíumjónarafhlöður. Þessi nýjung gæti verið mikil framþróun í geymslu á raforku og dregið úr eftirspurn eftir sjaldgæfum og dýrum hráefnum eins og litíum og kóbalti.

Nýskráningar fólksbifreiða í Noregi í febrúar voru 8.949 sem er 35,9% aukning samanborið við slakan febrúar á síðasta ári. Því er spáð að nýskráningar í Noregi verði 135 þúsund á þessu ári.

Samkvæmt gögnum frá þremur lykilmælisniðum Vegagerðarinnar á höfuðborgarsvæðinu var umferð um stofnvegi svæðisins nánast óbreytt milli febrúarmánaða 2024 og 2025. Aðeins mældist örlítil aukning upp á 0,1% milli ára.

Talsmaður þýska bílaframleiðandans Porsche tilkynnti í vikunni að fyrirtækið þurfi að fækka starfsmönnum um 1.900 á næstu fjórum árum, til ársins 2029. Þýski bílaframleiðandinn þarf að fækka störfum um 15% á sínum helstu framleiðslustöðvum í Stuttgart-Zuffenhausen og Weissach fyrir árið 2029.