Fréttir

BL Hyundai innkallar 276 bifreiðar

Neytendastofu hefur borist tilkynning frá BL Hyundai um að innkalla þurfi 276 Hyundai I30 og Elantra Neos bifreiðar af árgerðunum 2007 til 2012. Ástæða innköllunarinnar er að stillingar í loftpúðaheila eru ófullnægjandi.

Afnám löggildingar bifreiðasala vonbrigði – afturhvarf til fortíðar

Frumvarp til laga að fella niður skilyrði um leyfisveitingar fyrir sölu notaðra ökutækja, þ.m.t. kröfu um námskeið og próf fyrir bílasala hefur verið samþykkt á Alþingi. Lögin hafa þegar tekið gildi. Félag íslenskra bifreiðaeigenda, FÍB, og Bílgreinasambandið, BGS, lögðust alfarið gegn þessum áformum atvinnuvega- og nýskoöpunarráðuneytisins og töldu þetta afar misráðið.

Volvo innkallar yfir 700 þúsund bifreiðar vegna bilunar í hemlakerfi

Sænski bílaframleiðandinn Volvo hefur neyðst til að innkalla 700 þúsund bifreiðar um allan heim vegna alvarlegrar bilunar í sjálfvikrku hemlakerfi bifreiðanna. Bílarnir fara inn á viðurkennd verkstæði til að fá nýja hugbúnaðaruppfærslu.

Hvers vegna lækkar bensínið ekki enn meira?

Íslensku olíufélögin fóru af stað í upphafi vikunnar með lækkun á bensíni og dísilolíu eftir gríðarlega lækkun heimsmarkaðsverðs olíu. Viðbrögðin voru eðlileg en síðan hefur ekkert gerst frekar.

Íbúar við Fornhaga fagna nýrri hleðslustöð

Íbúar á Fornhaga 11 – 17 fögnuðu nýrri hleðslustöð við hús sitt nýverið en hleðslustöðin fékk nafnið Hlaðgerður. Hún getur hlaðið tvo bíla í einu en þar sem búið er að undirbúa jarðveginn er með lítilli fyrirhöfn hægt að bæta við hleðslubúnaði fyrir tvo bíla til viðbótar.

Leita þarf aftur til ársins 2011 til að finna meiri samdrátt

Umferðin á höfuðborgarsvæðinu í febrúar dróst saman um tæpt prósent og hefur ekki dregist meira saman síðan á árinu 2011 í þessum mánuði. Sama er að segja um umferðina frá áramótum sem hefur nú dregist saman um 1,2%. Þetta kemur fram í upplýsingum frá Vegagerðinni.

Hyundai með áætlun um stórfjölgun rafdrifinna bíla

Samkvæmt áætlunum Hyundai Motor Group vinnur fyrirtækið samkvæmt sérstakri áætlun um stórfjölgun rafdrifinna bíla í framleiðslu fyrirtækisins og verða bílgerðirnar að minnsta kosti 44 innan fárra ára. Fyrirtækið ráðgerir að verja um 50 milljörðum evra á næstu fimm árum í fjárfestingar þannig að 2025 selji fyrirtækið a.m.k. 670 þúsund rafknúna, rafvædda og vetnisknúna rafbíla á ári.

,,Fréttir gærdagsins aðeins kveikt í mönnum”

Runólfur Ólafsson, framkvæmdastjóri Félags íslenskra bifreiðaeiegenda, FÍB, segir að ís­lensk olíu­fé­lög hafi gripið til lækk­ana í gær og í dag eft­ir mikla lækk­un á heims­markaði und­an­farna daga.

Verðstríð hafið á eldsneytismarkaði

Óróleiki á markaði olíuvara skilaði sér í verðlækkunum á eldsneytisverði hér heima í gær og nú í morgun. Undir kvöldmat í gær lækkuðu flest íslensku olíufélögin listaverðið á bensíni og dísilolíu. N1 lækkaði bensínið mest eða um 3 krónur á lítra í gær og aftur um 2 krónur í morgun.

Fundi um orkuskipti frestað vegna COVID-19

Í ljósi þess að hættustigi almannavarna hefur verið lýst yfir vegna COVID-19 hefur verið ákveðið að grípa til þeirrar varúðarráðstöfunar að fresta ársfundi Samorku, sem átti að fara fram þriðjudaginn 10. mars í Hörpu. Aðildarfyrirtæki Samorku eru öll flokkuð sem samfélagslega mikilvægir innviðir sem öll önnur fyrirtæki og heimili í landinu nýta.