Fréttir

Hægt hefur aðeins á nýskráningum fólksbíla eftir sem liðið hefur á desembermánuð. Nýskráningar eru nú orðnar alls 16.680 en voru á sama tíma í fyrra 15.970. Nýskráningar í desember eru alls 585 en voru á sama leyti í í fyrra 738. Það verður spennandi að sjá hvort sala á nýjum bílum fer yfir 17 þúsund bíla fyrir árslok.

Tilnefningar til bíl ársins 2024 liggja nú fyrir. Bílarnir voru valdir af dómnefnd sem samanstendur af 59 bílablaðamönnum frá 22 löndum. Úrslit verða tilkynnt á bílasýningunni í Genf mánudaginn 26. febrúar 2024. 28 gerðir bíla voru tilnefndir í upphafi en nú hafa sjö þeirra tryggt sér inn í úrslitin.

Á lokadegi Alþingis fyrir jólaleyfi voru samþykkt lög um kílómetragjalds sem kveða á um að af bíl sem knúinn er rafmagni eða vetni verði greitt kílómetragjald að fjárhæð sex krónur fyrir hvern ekinn kílómetra, en kílómetragjald af tengilbifreið verður tvær krónur á kílómetra.

Öryggisgallar í sjálfstýringu neyða Tesla til að innkalla og lagfæra yfir tvær milljónir bíla. Umferðaröryggisstofnun Bandaríkjanna, National Highway Traffic Safety Administration (NHTSA), hefur í tvö ár farið yfir árekstra og slys á Tesla-bílum sem voru með ökumannsaðstoðarkerfið (autopilot) virkt þegar slys varð.

Líkt og kemur fram í frétt sem birt var á vefsíðu FÍB fyrir stuttu stendur til að setja á laggirnar nýtt styrkjakerfi vegna kaupa á hreinorkubílum frá og með næstu áramótum. Nýja kerfið á að taka við af skattaívilnunum vegna rafbílakaupa sem hafa verið í boði á liðnum árum.

Nýskráningar fólksbíla eru orðnar 16.383 þegar rúmar tvær vikur eru eftir af þessu ári. Nýskráningar voru 15.545 á sama tíma í fyrra þannig að aukningin í ár er um 5,4%. Alls voru nýskráningar fólksbifreiða á síðasta ári 16.685 en árið þar á undan, 2021, voru þær 12.789. Það bendir því flest til þess að nýskráningar verða aðeins fleiri á þessu ári en því síðasta. Þetta kemur fram í tölum frá Bílgreinasambandinu.

Umferðin á höfuðborgarsvæðinu í nóvember reyndist 3,5 prósentum meiri en í sama mánuði í fyrra. Þetta er heldur minni aukning en á Hringvegi en töluvert mikil aukning. Nú stefnir í að umferðin á svæðinu í ár slái öll met og verði 4,5 prósentum meiri á höfuðborgarsvæðinu en í fyrra af því er fram kemur í tölum frá Vegagerðinni.

Nagladekkjum fækkar í Reykjavík samkvæmt talningu sem gerð var um mánaðamótin. Tæplega þriðjungur reyndist vera á nöglum nú í byrjun desember. Reykjavíkurborg mælir með góðum vetrardekkjum til að draga úr mengun, hávaða og sliti á götum.

Beinir styrkir taka við af skattaívilnunum sem hvatar til orkuskipta í landssamgöngum frá og með næstu áramótum. Á vegum umhverfis-, orku- og loftslagsráðuneytisins hefur verið unnið að gerð styrkjakerfis sem hraða á orkuskiptum í bílaflotanum í tengslum við flutnings hvata til kaupa á hreinorkubílum til Orkusjóðs. Áhersla er lögð á að kerfið verði einfalt, fyrirsjáanlegt, gagnsætt og tryggi réttlát umskipti.

BYD SEAL U og nýr 7 sæta BYD TANG borgarjeppi hlutu fimm stjörnur í öryggisprófun Euro NCAP og það áður en bílarnir komu á markað í Evrópu. Skilgreining Euro NCAP fyrir fimm stjörnum er að ökutæki standist með afburðum kröfur um vernd farþega í árekstrum og séu einnig vel búin tækni sem á viðamikinn og öruggan hátt dregur úr líkum á árekstri.