Fréttir

Fyrstu þrjár vikur ársins voru nýskráningar fólksbifreiða alls 286. Samaborið við sama tímabil á síðasta ári er um 12% samdrátt að ræða en þá voru nýskráningar 325. Yfir 40% samdráttur var í bílasölu á öllu síðasta ári. Það verður fróðlegt að sjá hver þróunin verður í þessum efnum á næstu vikum og mánuðum.

Mercedes E-Class varð sigurvegari öryggisprófanna árið 2024 hjá evrópsku árekstrarprófunarstofnunin, Euro NCAP. Stofnunin framkvæmdi árekstrarprófanir á 44 bílategundum árið 2024.

Vetrarafbílarannsókn Félags norskra bifreiðaeigenda, NAF, og Motor félagstímaritsins lauk um helgina. Prófanir hófust í byrjun síðustu viku og þeim lauk formlega sl. föstudag. NAF rafbílarannsóknin er sú viðamesta í heimunum og er þetta í sjötta sinn sem hún er framkvæmd. NAF og Motor hafa um árabil gert vandaðar prófanir og úttektir á rafbílum bæði að sumar- og vetrarlagi. Gerðar eru vandaðar prófanir á drægni og úttektir á rafbílum.

Smá­bíll­inn Renault 5 var kjörinn bíll ársins í Evrópu 2025. En auk Renault 5 er sportú­gáfa bif­reiðar­inn­ar, Alp­ine A290, einnig hand­hafi þessa eft­ir­sótta titils. Þetta var kunngert á alþjóðlegu bílasýningunni í Brussel og voru það yfir 60 evrópskir bílablaðamenn sem komust að þessari niðurstöðu.

Fram­kvæmd­ir við Foss­vogs­brú eru hafn­ar en fyrsta skóflu­stung­an var tek­in í morgun. Brú­in er fyrsta fram­kvæmd­in í borg­ar­línu­verk­efn­inu.

Í gærkvöldi, þriðjudag, varð starfsfólk N1 í Hveragerði þess áskynja að regnvatn hefði komist í birgðageymi bensíns í miklu vatnsveðri sem gekk þá yfir á Suðurlandi. Bilunin uppgötvaðist eftir ábendingar frá ökumönnum sem dælt höfðu bensíni á ökutæki sín á stöðinni og sem urðu fyrir gangtruflunum fljótlega eftir áfyllingu. Strax í kjölfarið var sala af geyminum stöðvuð og vinna hafin við bilanagreiningu að því er fram kemur í tilkynningu frá N1.

Miklar umhleypingar voru í veðri á höfuðborgarsvæðinu um helgina og þá jókst hættan á því að holur mynduðust í bundnu slitlagi, malbiki og klæðningu. Holur hafa nú þegar verið að koma fram á götum höfuðborgarsvæðisins frá því um helgina.

Þýski bílaframleiðandinn Volkswagen AG varð nýlega fyrir netöryggisbresti þar sem viðkvæm gögn frá 800.000 ökutækjum komust í hendur óviðkomandi. Veikleikinn, sem Chaos Computer Club (CCC) - hópur hvítthatta tölvuþrjóta - uppgötvaði, mátti rekja til rangrar stillingar hjá Cariad, hugbúnaðardótturfyrirtæki Volkswagen Group.

Þegar þíða kemur í kjölfar frosts og kulda eða þegar miklir umhleypingar eru eykst hættan á því að holur myndist í bundnu slitlagi, malbiki og klæðingu. Holur hafa nú þegar verið að koma fram á götum höfuðborgarsvæðisins um helgina. Eins og dæmin hafa sannað í gegnum tíðina hafa bíl­ar orðið fyr­ir tjóni við að aka ofan í djúp­ar hol­ur. Vegfarendur er því beðnir að sýna sérstaka árvekni og aka ætíð eftir aðstæðum. Það getur tekið skamman tíma fyrir holu að myndast, jafnvel djúpa holu sem getur leitt til tjóns.

Lög um kílómetragjald á raf- og tengiltvinnbíla komu til framkvæmda fyrir ári síðan. Í lögunum er ákvæði um mögulega 50 þúsund króna sekt ef trassað er að skila inn kílómetrastöðu á almanaksári.