Fréttir

Bresk bílaframleiðsla dróst saman um 20,8% í júlí samanborið við sama mánuð fyrir ári síðan. Óvissan í þessum geira er mikil vegna kórónuverufaraldursins. Í júlí voru framleiddir 85.696 bílar á Bretlandseyjum en í júlí í fyrra voru þeir 108.239.

Um þess­ar mund­ir er verið að ganga frá og stilla fyrstu meðal­hraðamynda­vél­arn­ar á Íslandi. Þess­ar hraðamynda­vél­ar munu vakta Grinda­vík­ur­veg og ekki ósenni­legt að ef tækn­in reyn­ist vel verði hún tek­in í notk­un víðar um landið.

Framkvæmdir við tvöföldun Reykjanesbrautar (41) á 3,2 km kafla frá Kaldárselsvegi að Krýsuvíkurvegi ganga vel. Þessa dagana er verið að klára að malbika síðasta kafla endurbættrar norðurakreinar milli Strandgötu og Kaldárselsvegar. Þar með má segja að nánast allri malbikunarvinnu sé lokið.

Elon Musk, framkvæmdastjóri bandaríska bílaframleiðandans Tesla, segir að hugsanlega geti fyrirtækið farið að framleiða rafhlöður með lengri líftíma og með allt að 50% meiri orkuþéttleika á næstu þremur til fjórum árum.

Íslands­mót í ná­kvæmn­isakstri 2020 lauk um helgina en það var haldið sam­hliða heims­meist­ara­mót Alþjóða akst­ursíþrótta­sam­bands­ins (FIA) í ná­kvæmn­isakstri raf­bíla, dag­ana 20.-22. ág­úst.

Í bandarískri könnun sem J.D. Power, gagnagreiningar- og neytendagreiningarfyrirtækið, vann og birti á dögunum kemur í ljós hversu góðir bílaframleiðendur eru að innleiða nýsköpuntækni inn á bílamarkaðinn sem lítur meðal annars að rafbílum og öryggi svo eitthvað sé nefnt. Það kemur fáum á óvart að þar trónir Volvo í efsta sætinu en sænski bílaframleðandinn hefur vermt það sæti um langt skeið.

Rampur frá Hádegismóum inn á Suðurlandsveg til norðurs hefur verið opnaður að nýju en hann hefur verið lokaður fyrir umferð undanfarið vegna framkvæmda við tvöföldun Suðurlandsvegar frá Vesturlandsvegi að Bæjarhálsi.

Bílabúð Benna hyggst áfrýja nýlegum dómi, þar sem fyrirtækinu var gert að greiða kaupanda Porsche Cayenne bifreiðar tæpar 14 milljónir króna, auk dráttarvaxta, vegna riftunar á samningi um kaup á bílnum. Fram kemur á visir.is að lögmaður bílabúðarinnar segir skjólstæðing sinn ósammála niðurstöðunni „í öllum atriðum,“ þar að auki sé „óheppilegt“ að eigandinn skuli hafa tengsl við Héraðsdóm Reykjavíkur þar sem málið var dæmt.

Í gær hófst FIA eRally Iceland 2020, alþjóðleg keppni, sem er hluti af mótaröð alþjóðaaksturssambandsins FIA sem það hleypti af stokkunum undir heitinu: FIA Electric and New Energy Championship. Keppnin á Íslandi gefur stig til heimsmeistaratitils og Íslandsmeistaratitils og kallast íslenska keppnin eRally Iceland 2020. Fjögur erlend lið eru skráð til keppni og þrjú íslensk.

Suður Kóreski bílaframleiðandinn Hyundai hefur sett sér það markmið að 2025 nemi árleg rafbílasala Hyundai 560 þúsundum eintaka. Bílategundirnar Kona og Ioniq hafa notið vinsælda fram að þessu en nú eru væntanlegar fleiri rafdrifnar gerðir frá fyrirtækinu á næstu misserum.