Fréttir

Í Noregi velta vegagerðarmenn og ráðgjafarverkfræðingar fyrir sér þeirri hugmynd að brúa tvo breiða og djúpa firði á vesturströnd Noregs með því að byggja neðansjávar-hengbrýr undir sjávarborðinu. Þetta verða mikil steinrör hangandi í strengjum neðan úr risastórum flotholtum á sjávaryfirborðinu. Sjálf vegrörin þar sem bílar bruna um á 110 km hraða eiga að verða á 20-30 metra dýpi, verði hugmyndin einhvern tíman að veruleika og spurning hvort þeir sem í bílunum aka verði ekki bullandi sjóveikir.

Forstjóri Renault í Danmörku segir í samtali við bílavef dagblaðsins Politiken að það taki því ekki að reyna að selja Daciabíla í dönskum borgum og bæjum þar sem kaffihús eru fleiri en eitt.

Nú líður senn að því að fyrstu dísilbílarnir sem VW pústsvindlið, sem erlendis kallast Dieselgate nær til, verði innkallaðir til lagfæringar. Margir hafa af því áhyggjur að eftir lagfæringu verði bílar þeirra bæði aflminni og eyðslufrekari. FÍB fylgist vel með málinu í nánu samstarfi við systurfélögin í Evrópu.

Gríðarleg hækkun Isavia á bílastæðagjöldum við Leifsstöð er mjög ámælisverð fyrir ýmissa hluta sakir. Isavia, áður Flugmálastjórn, er opinber stofnun og þar með í eigu og þjónustu íslensks almennings, en dulbúin sem opinbert hlutafélag – fyrirtæki. Dulbúningurinn veitir stjórnendum Isavia skjól til að ráðskast með almenningseign eins og Keflavíkurflugvöll og Leifsstöð nokkurnveginn að geðþótta.

Bandaríska umferðaröryggisstofnunin NHTSA hefur útvíkkað rannsókn á meintum ágalla í bílum frá Fiat-Chrysler. Rannsóknin hófst í september sl. og náði til rúmlega 400 þúsund bíla en nú nær hún til 865 þúsund bíla. Hún snýst um að kanna hættu á að bílarnir geti runnið af stað enda þótt ökumenn telji sig hafa sett skiptistöng þeirra í „Park“ eða P stöðu áður en þeir gengu frá þeim á stæði.

Ríkiseinokunarfyrirbærið Isavia sem eitt sinn hét Flugmálastjórn og rekur flugvelli landsins hefur boðað stórfelldar hækkanir á bílastæðagjöldum við aðal flughöfn Íslands; Leifsstöð við Keflavíkurflugvöll. Hækkanirnar eru frá 30 prósentum upp í 117 prósent. Hækkanir af þessu tagi eru órafjarri íslenskum efnahagsveruleika um þessar mundir. Hin nýja og stórhækkaða gjaldskrá tekur gildi 1. apríl nk. Það er ekki aprílgabb.

Samkvæmt skýrslu frá Siemens og Volvo mun Oslóborg spara verulega á því að skipta út dísil- og brunahreyfilsknúnum strætisvögnunum og byrja að nota rafknúna vagna í þeirra stað. Jafnframt mun andrúmsloftið batna verulega – bókstaflega.

Talsvert umfangsmiklar rannsóknir og tilraunir standa nú yfir í Svíþjóð á vegum rannsóknastofnana sem lúta að því að þróa byggingarefni í bíla úr sænsku barrskógunum. Ekki snýst þetta þó um það að byggja timburbíla, heldur að vinna koltrefjar úr trjákvoðu barrtrjáa og nýta í yfirbyggingar, burðarvirki og meira að segja rafgeyma bíla. Í rannsóknahópnum er fólk frá sænska KTH tækniháskólanum og tæknifyrirtækjunum Innventia og Swerea Sicomp.

Kristján Þór Júlíusson heilbrigðisráðherra svaraði í gær á Alþingi fyrirspurn Vilhjálms Árnasonar þingmanns, um kostnað heilbrigðiskerfisins af umferðarslysum. Fyrirspurnin var í nokkrum liðum og svörin varpa ljósi á þann mikla kostnað sem samfélagið ber af umferðarslysum. Fyrir utan kostnað heilbrigðiskerfisins þá fylgja umferðaslysum mannlegir harmleikir og annar samfélagslegur skaði.

Bandaríkjamaðurinn Bobby Darin var fjölhæfur og heimsþekktur söngvari og dægurlagahöfundur á sjötta og sjöunda áratuginum. Meðal sígildra laga hans eru Eighteen Yellow Roses eða 18 rauðar rósir. Hann eignaðist sérsmíðaða bílinn DiDia 150 árið 1961 og greiddi fyrir hann 150 þúsund dollara sem á gengi dagsins í dag jafngildir 1,5 milljón dollurum. Árið 1961 þótti kaupverðið vera svo rosalegt að það var skráð í heimsmetabók Guinness sem hið hæsta sem nokkru sinni hefði verið greitt fyrir fólksbíl.