Fréttir

Askja innkallar 132 Kia Niro bifreiðar

Neytendastofu hefur borist tilkynning frá Bílaumboðinu Öskju ehf um að innkalla þurfi KIA Niro bifreiðar. Um er að ræða 132 bifreiðar af undirtegundunum DE, HEV og PHEV

Nýr búnaður notaður til umferðargreiningar

Síðastliðið haust fékk EFLA verkfræðistofa nýjan búnað til að gera ítarlegar greiningar á umferð. Búnaðurinn var notaður í rannsókn þar sem umferð á gatnamótum Kringlumýrarbrautar og Háaleitisbrautar var skoðuð. Meðal þess sem kom fram var að 24 af hverjum 10.000 bílum reyndust aka gegn rauðu ljósi.

Ætlar að ljúka hnattferð föður síns á Hyundai

Á Kanaríeyjum býr ungur byggingarverkfræðingur, ættaður frá hafnarborginni Busan í Suður-Kóreu, sem hyggst „klára heimsreisu“ föður síns sem sigldi frá Busan einn síns liðs til Spánar fyrir um fjörutíu árum og ílengdist þar þótt ætlunin hefði verið að sigla umhverfis jörðina aftur heim til Busan.

Samdráttur í umferðinni á höfuðborgarsvæðinu

Umferðin á höfuðborgarsvæðinu í apríl dróst saman um 2,6 prósent og hefur það ekki gerst síðan árið 2014. Umferðin á svokölluðum gráum degi - þegar búist var við miklu svifryki og frítt var í strætó - reyndist tíu prósentum meiri en að meðaltali á mánudögum í apríl. Grái dagurinn bar upp á mánudag. Þetta kemur fram í tölum frá Vegagerðinni.

41,9% hlynntur hóflegri gjaldtöku fyrir notkun nagladekkja

Dagana 3. til 13. maí sl. vann Gallup skoðanakönnun að beiðni Samgöngufélagsins þar sem spurt var: Hversu hlynnt(ur) eða andvíg(ur) ert þú hóflegri gjaldtöku fyrir notkun nagladekkja á höfuðborgarsvæðinu? Af þeim 818 sem tóku afstöðu voru örlitlu fleiri sem voru (alfarið, mjög eða frekar) hlynntir heimild til gjaldtöku eða 41.9% en þeir sem voru (alfarið, mjög eða frekar) andvígir en það voru 39,9%. 18,2% þátttakenda var hvorki með eða móti.

Byrjað að sekta fyrir nagladekk

Lögreglan á höfuðborgarsvæðinu hóf í gær að sekta þá ökumenn sem enn eru á nagladekkjum. Eitthvað er um það að bílar séu á nagladekkjum og í eftirliti lögreglunnar í gær voru einhverjir sektaðir.

Umferðin dróst saman á Suðurlandi

Umferðin á Hringveginum í apríl jókst um tæp tvö prósent í apríl sl. Athygli vekur að umferð um Suðurland dróst saman um fimm prósent en mikil aukning hefur verið á Suðurlandi mörg undanfarin ár. Búast má við að umferðin í ár aukist um 2,6 prósent. Þetta kemur fram í tölum frá Vegagerðinni.

Fyrsta fjölorkustöð landsins tekin í notkun

Bensínstöð Orkunnar norðan við Miklubraut breytist í dag í fyrstu fjölorkustöð landsins þar sem ökumenn og aðrir notendur munu, auk hefðbundins jarðefnaeldsneytis, geta keypt nær alla endurnýjanlega orkugjafa sem framleiddir eru til samgangna í landinu. Um sögulegan atburð var að ræða í orkusögu landsins því þetta var í fyrsta skipti sem slíkt er gert á einni og sömu áfyllingarstöðinni.

Subaru hlýtur viðurkenningu vestan hafs

Subaru í Bandaríkjunum hlaut á dögunum verðlaun Kelley Blue Book‘s sem sá bílaframleiðandi sem njóti mesta traustsins á markaði Norður-Ameríku (the Most Trusted Brand 2019). Þetta er fimmta árið í röð sem Subaru hlýtur verðlaunin vestanhafs. Kelley Blue Book er einn helsti neytendavefurinn á bílamarkaði Norður-Ameríku og mjög virtur á sínu sviði vegna mikillar aðstoðar og upplýsinga sem bílkaupendur njóta þar.

Breytingar á gjaldskrá Vaðlaheiðarganga

Í dag, 15. maí, taka gildi breytingar á gjaldskrá Vaðlaheiðarganga. Stærsta breytingin felst í nýjum gjaldflokki fyrir millistærð af bílum, t.d. pallbíla, húsbíla og minni langferðabíla (sprintera).